Idale leHigh Court ngoLwesine eHarare lithe lizethula kunsukwana ezilandelayo isinqumo sodaba lokuthi uMnu. Luke Malaba, owayengumholi wabahluli, udelele umthethwandaba ngokubuyela emsebenzini kulandela isinqumo somthethwandaba weHigh Court esamsusa esikhundleni.
Udaba lolu luqale ngesikhathi omunye wabahlulelo akade bekhangelelwe ukuthonisa loludaba, uMnu Webster Chinhamora, ethe kasoze aphatheke kudaba lolu ngoba isinqumo sakhe singathandabuzwa.
Udaba lolu lumiswe phambili kwabahluleli bedale leHigh Court abathi uMnu. Amy Tsanga loNkosikazi Syvia Chirawu Mugomba.
Lokhu kuza ngemva kokuba ngeviki edluleyo uMalaba uqhubeke ngomsebenzi wakhe esithi isicelo sika mphathintambo wezomthetho, uMnu Ziyambi Ziyambi, leqgwetha lika hulumende uMnu. Prince Machaya sokuba idale leSupreme Court lithonise udaba lokumiswa kwakhe umsebenzi samisa isinqumo esethulwa lidale leHigh Court esokuthi usemele atshiye umsebenzi.
Isikhathi sokuba uMalaba aqhubeke engumahluleli wedale laphezulu saphela kumaviki amabili edluleyo ngemva kokuba idale leHigh Court lanquma ukuba kaselalungelo lokuqhubeka ngo msebenzi ngemva kokuba le minyaka engamatshumi ayisikhombisa - 70, kungakhathalekile lenguqulo eyaba khona kusisekelo sombuso epha uMongameli amandla okuba angezelele eminye iminyaka emihlanu.
Kodwa uMnu. Musa Kika, owethula loludaba kusukela waphikisa esithi isinqumo asithola eHigh Court sibizwa ngokuthiwa yi-declarator, uthi ukungalandeli kwakhe les’isinqumo kufuze kwenze ukuba ayevalelwa ejele okwenyanga eziyisithupha.
UMalaba uphikisane lesinqumo sika Kika esithi useqhubekile umsebenzi wakhe kulandela isicelo esalethwa kudale leSupreme Court ngu Ziyambi Ziyambi lo Machaya.