Ijaha elakeladlalela iqembu leHwange Football Club, uMaqhawe Mpofu, ubulewe ngabantu izolo kusihlwa kwele South Africa abamgangade ngamatshe abanye bamdubula bemethesa amacala ambalwa.
Abazi ngokwenzakalayo bathi uzulu uvuke eseganga kulandela imibiko yokuthi uMpofu ukhululwe entilongweni lapho akade ebhekane lecala lokweba lokunye okutshiyeneyo.
Kasenelisanga ukukhuluma ngodaba lolu lamapholisa kwele South Africa. Unina omncane kaMpofu, uMaSibanda, utshele umsakazo weStudio 7 ukuthi sebetholile umbiko wokubulawa kuka Maqhawe lobanje eyalile ukuveza ukuthi ubulewe njani.
UMaSibanda uthi sebedinga phose inkulungwane ezingamatshumi amabili zamadola – 18,000 Zimbabwe dollars yokuthwala isidumbu sika Mpofu.
Uthi kuzakuba nzima ukuyithola imali enengi kangaka eyokuthwala isidumbu sisuka eJohannesburg sisiya eVictoria Falls azangcwatshwa khona.
UThulani Moyo, owake waba ngumqeqetshi weqembu leMatabeleland North Select, okwadlala khona uMaqhawe, uthi kuzwisa usizi ukubhubha kwejaha ebelidlala inguqu ngedlela ephakeme.
Imbongi elodumo uObert Dube, owafundisa uMaqhawe Mpofu esikolo semfundo ephansi eVictoria Falls, uthi badabukile emoyeni ngokubulawa kwejaha leli.
