amalinks wokungena

Breaking News

Abangathakazeleli Usuku Lukazibuse Bathi Bayabandlululwa eZimbabwe


Banengi abantu abathi kabaluthakazeleli usuku lukazibuse welizwe leZimbabwe.

Kulabanye abantu abathi kabathakazelela uzibuse ngenxa yokubandlululwa. Abanye babo bathi kuzakuba lempi eZimbabwe nxa bebandlululwa ngabadabuka empumalanga. Kodwa kulabanye abathi okwenzakala elizweni kulungiswa ngomlomo hatshi izikhali.

UMnu. Leonard Dube ngomunye wabathi sebekhathele yikukhahlanyezwa ngabadabuka empumalanga.

UMnu. Buster Willie Magwizi, okunhlanganiso yeZIPRA Veterans Association, uthi kulusizi okwenzakala eZimbabwe.

UMagwizi uthi bayakhala bonke abalwa impi yenkululeko.

Abakubandla leZapu abasuka kumamyano webandla leZanu PF lele PF Zapu bathi kabalunanzi usuku lukazibuse. UMnu. Patrick Ndlovu, umqondisi obona ngokwethulwa kwemibiko kubandla leZapu ezansi yakwele Zimbabwe, uthi bayahlupheka abantu phansi kuka hulumende kaMongameli Emmerson Mnangagwa.

UNdlovu uthi abantu kumele bazikhulule.

Kodwa uMnu. Believe Gaule, okubandla leZanu PF, uthi bakhuluma ize abathi kumele kuqunywe ilizwe.

Lokhu kusekelwa nguMnu. Malaki Nkomo, othi kunengi osokwenziwe libandla leZanu PF kusukela ngesikhathi ilizwe lithola uzibuse ngomnyaka ka1980.

UMnu. Mthulisi Hanana, okunhlanganiso yeDumiso Dabengwa Foundation, uyakuphikisa lokhu.

LoDube uthi akusoze kube lokuthula eZimbabwe kuze kulungiswe umbhuqazwe weGukurahundi.

Kunanzwa Usuku Lukazibuse eZimbabwe Abanye Bekhala Ngokubandlululwa
please wait

No media source currently available

0:00 0:07:16 0:00


Facebook Forum

XS
SM
MD
LG