amalinks wokungena

Kubotshwa Isizalwane seMelika eZimbabwe Okuthiwa Sathuka uMugabe kuTwitter

  • Ntungamili Nkomo

Kulesizalwane saseMelika esibotshwe ngamapholisa ekuseni eHarare namuhla sisetheswa icala lokuhlambaza uMongameli Mugabe lokuzama ukugenqula uhulumende wakhe.

UNkosazana Martha O’Donovan uzalala esitokisini amiswe emthethwandaba kusasa. Igqwetha lakhe uMnu. Obey Shava uthi UO’Donovan uselizweni okusemthethweni njalo ungumqondisi wenhlanganiso ezimeleyo iMagamba Network Trust.

Amapholisa athi umsolwa wabumba inhlanganiso le ngenjongo yokugenqula uhulumende weZanu PF kanti njalo athi nguye ozibiza ngokuthi nguMatigari enkundleni yebulenjini eyeTwitter. Athi uMatigari lo utshona ethuka uMongameli Mugabe.

Ukubotshwa kuka O’Donovan kulandela ukubotshwa lokumiswa emthethwandaba kwamanye amadoda amabili eNyanga esetheswa icala lokuthuka uMugabe esithi uyinja.

Kuza njalo ngemva kokubunjwa kogatsha olutsha lukahulumende olukhangelane lokuhlola okwenziwa nguzulu enkundleni zebulenjini olwe Cybersecurity lona olukhokhelwa nguMnu. Patric Chinamasa.

Kusenjalo nje, isikhulumeli sesigodlo saseMelika eZimbabwe uMnu. David McGuire utshele iStudio 7 ukuthi bakhathazekile ngokubotshwa kukaNkosikazi O'Donovan. Kodwa kathandanga ukukhuluma okunengi.

Facebook Forum

XS
SM
MD
LG