amalinks wokungena

Breaking News

Kuyaxokozela Emhlanganweni weMDC-T Okuvotelwa Ozathatha Isikhundla Sika Tsvangirai


Inkokheli yebandla leMDC-T esemhlangweni webandla leli eHarare. (VOA)

Kuyaxokozela emhlanganweni webandla leMDC-T oweExtraordinary Congress owenzelwa eHarare namuhla okukhethwa umuntu ozangena esikhundleni esatshiywa ngumuyi uMorgan Tsvangirai, obhubhe ngomnyaka ka2018.

Baxabene kakhulu abasemhlanganweni lo owenzelwa eHarare International Conference Center kulandela ukukhitshwa kwamanye amagama kugwalo lokuvota olweMDC-T.

Amagama amanengi akhitshwe kuVoters’ Roll ngawabantu abadabuka koBulawayo. Kutshontshwe lolunye ugwalo lokuvota oluhluthunwe kwabavotisayo lobanje lucine lutholakala. Kalusasetshenziswanga ugwalo lolu kusesatshwa ukuthi amagama okuvota abeselotshwe ngendlela engaqondanga. Kuvotelwa abancintisa ukuba ngumongameli webandla leli ababalisa uNkosazana Thokozani Khupe, uMnu. Douglas Mwonzora, uMnu. Elias Mudzuri loMnu. Morgen Komichi. Omunye wabalamagama akhitshwe kuvoters’ roll nguMnu. Anyway Mlotshwa.

“Khathesi thina abakoBulawayo amabizo ethu kawakho kuVoters’ Roll plus njengeDistrict yami iPhelandaba/Mpopoma, amabizo ethu kawakho la, uyabona. Thina singamaChairman ankhona. So amabizo ethu kawakho, we don’t know why, uyabona. Sesicabangela ukuthi mhlawumbe uDoggie, Doggie usengenile lapha usesintshontshela, sefuna ukuntshontsha la. Ye, thina sivela koBulawayo size lento yethu, sizothatha into sibuyele alayo ekhaya. Silapha ngomama.”

Omunye njalo ovela koBulawayo, obengu Election Agent umnumzana Lungani Ndebele, laye ubesidla amalahle.

“Njengoba ama authorities onke ekhona, kumele benze iplan. Kumele benze iplan ngoba thina singeke sibuye all the way silanda ukuzobona amanyala lawa esiwabonayo. Sibuyeleni nxa kuyikuthi amabizo abantu kawakho abazovota, balandeni right?.”

Kodwa uNkosazana Lwazi Sibanda ngomunye wabathakazelele ukuqhutshwa kokhetho lolu.

“Kukokhetho mthandayo nyama yembongolo khetho mthandayo. Mina elami ibhiza ngiyazi ukuthi liyaphuma ngoshutu, elami ibhiza vele ngihamba lomama. Kungela mama khona akumi. So abantu bonke nga bayangami nga bathi mama, ngoba bonke bakhona khonapha emhlabeni, ngumama owabazalayo, akula owazalwa ngubaba. Abantu nje abazame ukuguqula imiqondo yabo bekhethe khona ukuthi bevotele umama. Sonke sithi kumama.”

Omunye wabantincisa kukhetho lolu, uNkosazana Thokozani Khuphe, uthi okuqakathekileyo yikuthi benze ukhetho lolu belandela imithetho yelizwe.

“Ngilethemba lokuthi abantu khathesi nxa bekhetha umuntu kabasoze bakhangele ukuthi umuntu ungumama kumbe ungubaba, umuntu uliNdebele kumbe uliShona. Ngokuthi abantu kabadli khona lokho. Abantu kufanele ukuthi bakhangele umkhokheli ngomsebenzi wakhe awenzayo. Ngokuthi bafuna umkhokheli ozabakhokhela, ozabenzela izinto ukwenzela ukuthi abantu kube lenguquko, abantu kube lempilo ezinhle, abantu bebe lemisebenzi, kube lokudla ezindlini zabo, kube lezibhedlela ezinhle lezikolo ezinhle, abantu bebe lamanzi ahlanzekileyo.

"Yikho abantu okufanele ukuthi bekhangele ukuthi uma bekhetha ubukhokheli obuzabasebenzela ukuthi impilo zabo ziguquke. And ngilethemba lokuthi lamhlanje bevota ku Extra Ordinary Congress yethu lapha, bazananzelela ukuthi kabavoteli umuntu ngokuthi umuntu uliNdebele kumbe iShona, bazavotela umkhokheli abafuna ukuthi umkhokheli abasebenzele.”

Sebethiye indlebe abantu bemelele ukuzwa ukuba ngubani ozanqoba kukhetho lolu. Bekulokhu kubalwa amavoti ngesikhathi sisiya emoyeni. Kusenjalo, ngesikhathi kuqhutshwa lolukhetho, amapholisa ohlangothi lweLaw and Order, abophe umgcinisihlalo weZimbabwe Diaspora Forum ohlala eSouth Africa, uMnu. Sox Chikowero, obedingwa phezu kodaba lokudutshulwa kuka Alikani Manjengwa, owayengomunye wababelondoloza owayengumkhokheli walelibandla, umuyi uMorgan Tsvangirai.

Facebook Forum

XS
SM
MD
LG