amalinks wokungena

Breaking News

Umanyano weMDC Alliance Ukhankasela Ukhetho Emigwaqweni


Abalandeli bomanyano weMDC Alliance bakhankasela ukhetho oluzayo emigwaqweni ...
Abalandeli bomanyano weMDC Alliance bakhankasela ukhetho oluzayo emigwaqweni ...

Umanyano weMovement for Democratic Alliance ngoLwesithathu uqoqe umkhankaso wezimota elokitshini leNkulumane emizameni yokwengezelela inani labantu abazabavotela ekhethweni ngeviki ezayo.

Oncintisa ekhethweni oweMDC Alliance, uMnumzana Kucaca Phulu, odinga ukukhethwa ukumela iNkulumane edale lephalamende, ukhatshwe ngabomanyano wakhe emzini weNkulumane bekhankasa ngezimota belungiselela ukhetho.

UPhulu yisizalwane seNkulumane njalo ligqwetha elaliphatheke kakhulu ekulotshweni kwesisekelo sombuso welizwe ngesikhathi sikahulumende womanyano.

“Engifuna ukuthi ngikwenze yikuthi lingithume ngilenzeke elikufunayo kulesisigaba.”

UMnu. Jabulani Ndlovu, omunye wabasekeli baka Phulu, umchaze njengomuntu othembisa abantu imisebenzi lokuletha inguquko lemfundo esigabeni.

Bakhankasela ukhetho oluzayo ...
Bakhankasela ukhetho oluzayo ...

“Ngumfana ozalelwe eNkulumane njalo wakhulela enkulumane njalo sikhangelele yena.”

UMnumzana Sonny Phiri, umsekeli kamgcinisihlalo wePeople’s Democratic Party, uthi uPhulu ligqwetha elikwaziyo ukuphatha abantu njalo elilolwazi ngezomthetho.

“Lapha siseNkulumane sizexhasa uKucaca Phulu eNkulumane njalo ulugqwetha.”

Elinye lamalunga womanyano weMDC Alliance omele iPumula kuWard 17, uNkosikazi Sikhululekile Moyo, usuke kwesakhe isigaba ezobambana leNkulumane etshengisa ukuthi iAlliance ayikho esigabeni esisodwa.

“Ngilapha ukuzoxhasa uMnu. Phulu emkhankasweni wakhe.”

Omunye wabomama abaphatheke kulumkhankaso, uNkosikazi Saziso Chikuse, uncoma uPhulu ngokuthi ngumuntu ongaletha inguquko.

“Silapha sihamba loMongameli wethu uNelsen Chamisa ikakhulu uMP wethu ubaba uKucaca Phulu.”

Umanyano oweMDC Alliance obunjwe ngamabandla ayisikhombisa, ukhokhelwa nguMnumzana Nelson Chamisa njalo uthi ukhangelele ukunqoba ekhethweni oluzayo.

Abadala abakhulume leStudio7 bathi bafuna ontanga ukuthi labo bake bathole ithuba lokubusa abadala baye phumula.

Izakhamuzi zeNkulumane zithi kusukela ngo1980 azizange zibone uhulumende esenza lutho njalo sebeze beguga abanengi kulokhe kusebenza abadala bengathathi amapentsheni, ngakokhe sekumele abadala bededele ontanga.

Udaba Esilethulelwe NguBathabile Masuku
please wait

No media source currently available

0:00 0:03:30 0:00

XS
SM
MD
LG