amalinks wokungena

Breaking News

‘Ibandla leZanu PF Lifuna Ukuba Yilo Lodwa Elikhonya eZimbabwe’


Mnangagwa & Chamisa

Kuyaxokozela kumabandla ezombusazwe eZimbabwe eleMovement for Democratic Alliance lisithi libhidlizwa libandla elibusayo elifuna ukubusa lodwa. Kodwa eleZanu PF lithi likhangelane lokuvuselela umnotho welizwe hatshi ukubhidliza amanye amabandla.

Sebebanengi abakubandla leMDC Alliacne asebesuswe ngenkani edale lephalamende libandla leMDC-T kanye lele People’s Democratic Party. Ele Zanu PF laxotshisa uMnu. Killer Zivhu kuphela edale lephalamende elathi wayesenza santando.

Kulabanye abathi ibandla elibusayo lifuna ukuba yilo lodwa elikhonya elizweni njengalokhu okwakufiswa ngowayengumongameli, umuyi uRobert Mugabe, ilizwe lisanda kuthola uzibuse. UMnu. Kucaca Phulu, osanda kususwa edale lephalamende libandla lePDP, uthi ibandla leZanu PF licatsha ngemithetho yelizwe ekubhidlizweni eleMDC Alliance.

Kodwa uMnu. Elifasi Mashaba, ofisa ukumela iNketa edale lephalamende ekubandla leZanu PF, uthi kabazihluphi ngokwenzakala kubandla leMDC Alliance elikhokhelwa nguMnu. Nelson Chamisa.

UMashaba uthi balakho ukunqoba kukhetho lwama bye-elections loba lungenziwa namuhla.

UMnu. Edwin Ndlovu, okubandla leMDC Alliance, uthi ibandla leZANU PF lingeke lanqoba elakhe koBulawayo.

Akwaziwa ukuba kuzakwenziwa nini ukhetho lokuvala izikhexe ezitshiywe ngamalunga edale lephalamende axotshiwe libandla leMDC-T lele People’s Democratic Party.

Kuyaxokozela Kumabandla Ezombusazwe eZimbabwe
please wait

No media source currently available

0:00 0:03:27 0:00


Facebook Forum

XS
SM
MD
LG