amalinks wokungena

Breaking News

Abatsha Bahluthunela uMaKhupe iMorgan Tsvangirai House Besithi Bafuna Amacela eMDC Alwisanayo Abambane


Abalandeli bebandla leMDC-T lisakhokhelwa ngumuyi uMorgan Tsvangirai

Abatsha abakumabandla akhokhelwa nguMnu. Nelson Chamisa loNkosazana Thokozani Khupe sebengene ngenkani eMorgan Richard Tsvangirai eHarare besithi bethuswa ngokwenziwa libandla leZanu PF kumabandla eMDC.

Omunye walabo abethule umbiko beveza lokhu nguPaul Gorekore, umkhokheli wohlangothi lwabatsha kubandla leMDC-T eHarare, othi bafuna ukuba amabandla la amanyane kulungiswe ilizwe.

UGorekore uthi bamanyane labanye babo abakubandla leMDC Alliance bathatha isakhiwo lesi ekade sisezandleni zebandla leMDC-T elahluthunela ibandla elikhokhelwa nguNelson Chamisa ekuqaleni kuka Nhlangula lonyaka.

Uthi bazakhuluma ngodaba lolu ngoMvulo ekuseni.

Kasenelisanga ukukhuluma ngodaba lolu loGorekore kanye leziphathamandla zamabandla womabili ebezingaphenduli omakhalekhukhwini babo.

IMDC-T kaMaKhupe yathatha isakhiwo lesi kulandela isinqumo somthethwandaba weSupreme Court esokuthi uChamisa wathatha ngendlela engaqondanga isikhundla sika mongameli weMDC kulandela ukubhubha kuka Tsvangirai ngomnyaka ka2018.

Facebook Forum

XS
SM
MD
LG