ldale eleNomination Court, eleMatabeleland North elokwamukela abantu ababhalisa ukuba bencintise kukhetho lwama by-elections mhlaka 26 Mbimbitho, lihlalile ngoLwesithathu koBulawayo emthethwandaba kamantshi eTradegold.
Uzulu uveza ukukhathazeka ngalokhu lobanje abeMatabelalnd North bethi sebekujwayele ukuzolungisa incwadi zabo ezinengi koBulawayo kulokuthi kwenzelwe ezabelweni.
Inengi labantu lithi kuhle ukuqhutshwa kwama by-elections kodwa lisola umango ohanjwe ngabazophanyeka amaphepha abo, ukuba bancintise kulolukhetho kwabe komishini ebona ngezokhetho eyeZimbabwe Electoral Commission koBulawayo.
UMnu. Gesion Mangana, isakhamuziz sakoBulawayo, uthi kuzwisa usizi ukuba abantu bahambe umango omude bezophanyeka amaphepha abo edale leli.
“Iqondile kulabo abazaphumelela ukungena. Kuyindlela embi kakhulu kulabo abahambe umango omude khona kulamawofisi kahulumende esigabeni sabo kumele kukhetho oluzayo kulungisiswe bengahambi umango omude.”
Owaxotshwa edale lephalamende emele iNkulumane Constituency kodwa oseyabuyela edale lephalamende engayanga kuma by-elections, uMnu. Kucaca Ivumile Phulu, ngomunye wabasola ukuqhutshwa kweNomination Court koBulawayo.
“Thina sizabuyela edale lephalamende singayanga kuma by-elections ngoba siyabe silandela isinqumo esathathwa lidale ukuba sibuyele edale lephalamende uhulumende akade engafuni kusifeza. Okusidanisayo yikuthi kulabantu abahamba umango omude ebesuka eMatabeleland North beophanyeka amaphepha abo eZEC Nomination Court khona kulamawofisi kahulumende lapho abasuka khona buye sokulandelwa umbuso wezabelo kungani kungalandelwa isisekelo sombuzo.”
UMnu Kudakwashe Mavula Munsaka, omele iZANU-PF eBinga North, ngomunye wabenelise ukuphanyeka amaphepha eNomination Court, eTredgold.“Ngikhangelele ukunqoba ngoba uhulumende wanceda wafaka iDevolution njalo sikhangelele ukunqoba. Sikhangelele ukuba lamaindustries eBinga ibeyiCity ngokwakho sithuthukise izikolo, imigwaqo lezempilakahle njalo kunengi esizakwenza.”
UNkosikazi Elifia Moyo, osuka eTsholotsho owebandla elibusayo, ubuye ekhaphe uNkosikazi Musa Ncube Mathema onguye abamkhethe ukuba abamele.
“Umango esithe sawuhamba sizophanyeka amaphepha awusihlukumezi ngoba sikujwayele ukuhamba umango omude sizolungisa amaphepha.”
Obekhokhela iNomination Court yeMatabelaland North koBulawayo, uMnu. Richard Sibanda, uqale ukwamukela amaphepha abakhangelele ukuncintisa kukhetho NgoMbimbitho 26 ngehola letshumi ekuseni.
Usahluko 159 wesisekelo sombuso weZimbabwe uyaqinisa ukuvumela ukuphatha ama-by-elections.
NgoZibandlela 26, kuyonale inyanga. UMongameli Mnangagwa wamemezela ukuba kuzakuba ledale lokuphanyeka amabizo alabo abazamela amabandla abo kuthi NgoMbimbitho mhlaka26 kuphathwe lolokhetho.
.