amalinks wokungena

Breaking News

Ibutho leZimbabwe Lizavuma Na Ukusekela Umuntu Ozanqoba Kukhetho Lukamongameli?


Inkokheli Yomanyano weMDC Alliance ..

Umanyano wamabandla aphikisa elibusayo uthi kumele ibutho le Zimbabwe liveze elizakwenza nxa kunganqoba iMovement for Democratic Change Alliance kukhetho oluzayo.

Lokhu kwethulwe emhlanganweni owenziwe ngumanyano weMDC Alliance ngeSonto eMasvingo lapho obekugcwele khona abantu abagoqela uMnu. Nelson Chamisa loMnu. Elias Mudzuri, abalwela ukubamba sikhundla sika Mnu. Morgan Tsvangirai ogulayo.

MDC Alliance ...
MDC Alliance ...

UMnu. Welshman Ncube, obesemhlanganweni lo uthe kuqakathekile ukuthi ibutho leZimbabwe Defence Forces elancedisa ukuthi owayengumongemeli, uMnu. Robert Mugabe, asuswe esikhundleni, lethulele uzulu ukuthi lizavuma ukuthi kubuse umanyano lo kumbe umuntu okubandla eliphikisa elibusayo.

“… Ukhetho kumele kube lukhetho olubalulekileyo. Ibutho kumele likhulume kuseselesikhathi ukuthi bona bangaphansi kwabantu beZimbabwe … Abantu beZimbabwe bangavotela uzibani kumele bakuvume khonokho …”

UMnu. Nelson Chamisa loMnu. Welshman Ncube.
UMnu. Nelson Chamisa loMnu. Welshman Ncube.

Uthe kunengi kakhulu okunye okwethulwe emhlanganweni lo okugoqela ukuthi kumele ikhomishini yeZimbabwe Electoral Commission isebenze ikhululekile hatshi ukuthwalelwa ubhulo nguhulumende.

Umanyano weMDC Alliance ukhangelelwe ukuthi uzancintisa isikhundla sikamongameli. Okwamanje bafuna ukuthi uTsvangirai akhethwe nguzulu loba ebulawa yisifo semvukuzane esenze ukuthi alaliswe esibhedlela kwele South Africa.

Ingxoxo Esiyenze LoMnu. Welshman Ncube Ngomyanyano weMDC Alliance
please wait

No media source currently available

0:00 0:03:04 0:00

Facebook Forum

XS
SM
MD
LG