amalinks wokungena

Breaking News

Ibandla leMDC-T lilwisana leMDC Alliance kaNelson Chamisa Okumele Idinge Ibizo Elitsha


UMnu. Nelson Chamisa wenandla leMDC Alliance ukhuluma labantu eHarare.

Ibandla leMDC Alliance lithi lizakhulumisana lozulu lingakethuli ibizo elitsha kulandela ukuhluthunwa komanyano lo ngele MDC-T elikhokhelwa nguMnu. Douglas Mwonzora elithi lizaxotsha bonke abadlelana loMnu. Nelson Chamisa kusukela ekupheleni kuka Mpandula.

Okwamanje uChamisa ubesethekelela indawo ezitshiyeneyo leyinye inkokheli yebandla leli ekhuluma ngokutshiyeneyo.

Ngesikhathi iMDC Alliance isenza umcimbi ngeviki ephelileyo wokuthakazelela ukubunjwa kwebandla leMDC ngomnyaka ka1999, uChamisa uthe kabazihluphi ngokudinga ibizo lebandla elitsha ngoba bona balandelwa ngabantu abanengi abazakwethula abakufunayo ngebandla elizabunjwa.

Kodwa-ke iMDC-T ithi kayifuni kuzwa ngitsho lakancane uChamisa labanye bakhe ukuba basebenzisa ibizo leli elimanyanisa amabandla ambalwa njalo elikhokhelwa nguMnu. Douglas Mwonzora.

Umgcinisihlalo weMDC-T, uMnu. Morgen Komichi, utshele abalandeli bebandla leli izolo ukuba bonke abameli bedale lephalamende, amakhansila labanye ezabelweni abasekela uChamisa, bazaxotshwa ngoba bephula imithetho yeMDC-T ngokudlelana loChamisa.

Umsekeli wesikhulumeli sebandla leMDC Alliance, uMnu. Felix Magalela Mafa, utshele uGibbs Dube weStudio 7 ukuthi abantu yibo abazakwethula ibizo elitsha elebandla leli hatshi inkokheli yalo.

UMnu. Witness Dube, obona ngokwethulwa kwemibiko kubandla leMDC-T, uthi uChamisa labanye bakhe kumele belandele imithetho yelizwe.

Facebook Forum

XS
SM
MD
LG