WASHINGTON DC —
Amabandla eMDC akhokhelwa nguProfessor Welshman Ncube loNkosikazi Sekai Holland aqalise inkulumo zomanyano lamuhla eHarare.
Onobhala jikelele bamabandla la uNkosikazi Priscilla Misihairabwi-Mushonga loMnu. Tendai Biti lamalunga abo enze umhlangano wokuqala ozama ukumanyanisa amabandla la axexebuka kulelo elikhokhelwa nguMnu. Morgan Tsvangirai ekhonona ngokuncidezelwa kwabalandeli.
Umbiko owethulwe ngababili laba uthi ukuzama ukumanyanisa amabandla la kutshengisa ukuthi benza phose okuhambelanayo ekuzameni ukuthi uzulu abelenkululeko egcweleyo eZimbabwe.
Athi inkulumo lezi kazitsho ukuthi amabandla le kawasoze engene kunkulumo zokumanyanisa amabandla wonke aphikisana lohulumende webandla leZanu PF.