amalinks wokungena

Breaking News

MDC: Sizatshengisela Emigwaqweni NgoLwesihlanu Loba Besethusela


Ibandla leMovement for Democratic Change (MDC) elikhokhelwa nguMnu. Nelson Chamisa lithi amalungiselelo okutshengisela emigwaqweni asekuzinga eliphezulu.

Isikhulumeli sebandla leli, uMnu. Daniel Molokele, uthi bakhangelele ukuthi abantu abanengi bazangena emigwaqweni eHarare bekhonona ngesimo esibi somnotho.

UMolokele uthi inkokheli yebandla leli izabe ikhona ekutshengiseleni lokhu lobanje ibandla leZanu PF kanye labanye abaphathintambo bakahulumende besithi kumele kumiswe lokhu.

UMolokele uthi kababuyeli emuva ngabafisa ukukwenza.

Ingxoxo Esiyenze LoMnu. Daniel Molokele
please wait

No media source currently available

0:00 0:01:21 0:00

Kodwa-ke uMnu. Dingumuzi Phuthi webandla leZanu PF uthi akukhanyi ukuthi ibandla leMDC lizamani.

Ingxoxo Esiyenze LoMnu. Dingumuzi Phuthi
please wait

No media source currently available

0:00 0:03:12 0:00

Kwadutshulwa abantu abayisithupha nyakenye kusanda kwenziwa ukhetho eHarare kulabanye ababetshengisela besola ukuphuza kwekhomishini yeZimbabwe Electoral Commission ukwethula impumela yokhetho lukamongameli.

Kwabulawa njalo abantu okuthiwa bafika itshumi lambili eHarare kulandela ukutshengisela kukazulu emigwaqweni esola ngokukhuphulwa kwentengo yamafutha ezimota.

Facebook Forum

XS
SM
MD
LG