amalinks wokungena

Breaking News

Ibandla leZanu PF Lithi eleMDC Kumele Ligoqe Umsila Lingene kuPOLAD Ekhokhelwa NguMnangagwa


UMnu. Nelson Chamisa
UMnu. Nelson Chamisa

Amabandla amakhulu ezombusazwe kwele Zimbabwe ayavumelana ukuthi kumele akhulumisane ukwenzela ukuvuselela umnotho obhidlikayo.

Kodwa kawavumelani ngendlela okumele kube lenkulumo phakathi kwebandla leMDC elikhokhelwa nguMnu. Nelson Chamisa lele Zanu PF.

Ele MDC liqhubekela phambili lisithi akube lomlamulankunzi odabuka eZimbabwe hatshi uMnu. Thabo Mbeko, owake waba ngumongameli wakwele South Africa.

Uzulu uthi usekhathele ngebandla elibusayo. Kumele kwenziweni ukuze kulungiswe okuhlupha uzulu? UNkosazana Thabitha Khumalo, umgcinisihlalo webandla leMDC elikhokhelwa nguChamisa, uthi akube lomlamlankuzi ozimele yedwa ngoba ibandla leZanu PF selehlulekile ukubusa.

Kodwa-ke uMnu. Malaki Nkomo webandla leZanu PF uthi eleMDC kumele lingene kumanyano wePolitical Leaders Actors Dialogue nxa lifuna ukuthi kulungiswe konke okuhluphayo eZimbabwe.

Uthi ibandla leMDC kalekele ukufaka imigoqo yokudlalana kwamabandla la lamanye ancintisa kukhetho ngomnyaka ka2018.

Abanye abantu abakhulume emsakazweni weStudio 7, ababalisa uMnu. Muzi Dube loMnu. Thabisani Ncube, bathi sebediniwe yikubuswa libandla leZanu PF abathi kusobala ukuthi liziquthele kwezokubusa ilizwe leZimbabwe.

'Kumele Ibandla leMDC Lingene Kumanyano wePolitical Leaders Actors Dialogue'
please wait

No media source currently available

0:00 0:02:48 0:00


XS
SM
MD
LG