amalinks wokungena

Breaking News

IZCTU Ithi Sesifikile Isikhathi Sokutshengisela Emigwaqweni Kulandela Ukuhlukuluzwa Nguhulumende


FILE - Workers are seen holding placards during a labor protest in Harare, Zimbabwe.

Inhlanganiso yezisebenzi eyeZimbabwe Congress of Trade Unions (ZCTU) ithi abalandeli bayo bazatshengisela emigwaqweni ngoLwesine bekhonona ngokukhuphuka kwentengo yempahla etshiyeneyo njalo langokukhuphulwa komthelo wokuthumeza imali kusetshenziswa omakhalekhukhwini.

UMnu. Ambrose Sibindi, omele iZCTU emhlubulweni weMatabeleland, uthi izisebenzi kazithokozi ngokwethulwe nguMnu. Mthuli Ncube, umphathintambo wezemali, othi kuzakhuphulwa umthelo wokuthumeza imali nge2 cents idola linye ngalinye.

Kungakakhuphulwa umthelo lo, bekuhlawulwa i5 cents kuphela.

Uthi izisebenzi zithwele nzima ngokuthathelwa imali yemithelo eminengi ngakho-ke sokwanele.

“Ngokunjalo sikhangelele ukuthi ngoLwesine sizatshengisele emigwaqweni ngoba kuyasisinda lokhu.”

USibindi uthi akubathobi inhliziyo ukuthi umthelo lo kawukethulelwa uzulu okusemthethweni.

Kusenjalo, inhlanganiso yamakholwa eyeZimbabwe Council of Churches ngoMvulo yenza umhlangano omkhulu eHarare omayelana lokugugudeka komnotho welizwe.

Umhlangano lo olesihloko esithi ‘Ecumenical Dialogue on the Deepening Economic Crisis’, uzahlolisisa okwenzakala kwezomnotho, ukugugudeka komnotho, ukusebenzelana ukwenzela ukubonisana ngodaba lokubhidlika komnotho kanye lokubambisana kudaba lokuvuselela umnotho.

Facebook Forum

XS
SM
MD
LG