amalinks wokungena

Breaking News

UAuxillia Mnangagwa Uthi Kazilutho Ngegolide 'Elitshisayo' Ebelithwelwe NguHenrieta Rushwaya


Zimbabwean President Emmerson Mnangagwa and his wife Auxillia arrive to pay their respects at the home of Movement For Democratic Change (MDC) leader Morgan Tsvangirai in Harare, Zimbabwe, Feb. 18, 2018.

UNkosikazi Auxillia Mnangagwa uthi kalisilo lakhe igolide elatholakala lisesikhwameni sika Nkosazana Henrieta Rushwaya, okuthiwa wayezama ukuyalithengisa kwele Dubai okungekho emthethweni

UNkosikazi Mnangagwa wethule lokhu kulandela imibiko ethi wayelesandla ekuzameni ukuyathengisa igolide leli ebekukhangelelwe ukuba lizathengwa ngemali efika US$330,000.

Iphephandaba leHerald lithi uNkosikazi Mnangagwa ukhala ngokuthi imuli yakhe ithethiswa sonke isikhathi ngabantu abafuna ukuyingcolisa. Uthi amapholisa kumele aveze ukuba okhulume udaba lolu ubejongeni.

Amapholisa athi uMnu. Gift Karanda, watshela abanye babo eRobert Gabriel Mugabe International Airport kubotshwa uNkosazana Rushwaya, ukuthi igolide elatholaka lifihlwe esikhwameni sika Rushwaya lalingelika Nkosikazi Mnangagwa.

UKaranda wetheswa icala lokuzama ukuvimba amapholisa ukuba abophe uRushwaya, ukubalegolide engelamvumo lokuncedisa uRushwaya ukuthi athengisa igolide okungekho emthethweni.

Kasenelisanga ukukhuluma ngodaba lolu loMnu. George Charamba, isikhulumeli sikamongameli, ngokwethulwe nguNkosikazi Mnangagwa, obengaphenduli umakhalekhukhwini wakhe.

uRushwaya ubotshwe lamapholisa ambalwa agoqela awensitha okuthiwa ayezama ukumncedisa ukuba ayethengisa igolide eDubai okungekho emthethweni.

Facebook Forum

XS
SM
MD
LG