amalinks wokungena

Breaking News

Amabandla Aphikisayo Athi Kungamanga Ukuthi uMnangagwa Uzanqoba Kukhetho Oluzayo


UMongameli Emmerson Mnangagwa

Amabandla aphikisayo eZimbabwe athi kungamanga okwethulwe yinhlanganiso yeAfrobarometer ethi uMongameli Emmerson Mnangagwa uzanqoba kukhetho oluzayo.

Athi akwenzakali ukuthi uMnangagwa, owasusa uMnu. Robert Mugabe esikhundleni sikamongameli encediswa libutho, anqobe kukhetho oluzakwenziwa ngoNtulikazi ngenxa yokuthi abantu bafuna kube lenguquko elizweni.

Uphenyo olwenziwe yiAfrobarometer luveza ukuthi uMnangagwa uzanqoba ngokuyisilinganiso sokungamatshumi amane lane ekhulwini – 44 percent – kuthi-ke uMnu. Nelson Chamisa weMDC Alliance uzathola amavoti ayisilinganiso sokungamatshumi amabii lasitshiyangalo mbili ekhulwini – 28 percent.

UMnu. Den Moyo webandla leMDC ekhokhelwa nguNkosazana Thokozani Khupe uthi uphenyo lolu olwenziwe lonyaka kaluqedakali.

Ingxoxo Esiyenze loMnu. Den Moyo
please wait

No media source currently available

0:00 0:04:29 0:00

UNkosikazi Sheila Chitate, ingcwethi ecubungula ezombusazwe, othi uMnangagwa ulakho ukunqoba nxa kungaphindwa ukhetho lokudinga umongameli omutsha.

Ingxoxo Esiyenze LoNkosikazi Sheila Chitate
please wait

No media source currently available

0:00 0:04:22 0:00

Kasenelisanga ukuxoxa lamalunga ebandla leZanu PF ngodaba lolu.

Facebook Forum

XS
SM
MD
LG