amalinks wokungena

Breaking News

Umtshutshisi Omkhulu Wakwele Zimbabwe Uthi Kuzabotshwa Abantu Abanengi Abathengisa Imali Emkambo Wensitha


Banengi abantu abathenga bethengisa impahla emigwaqweni eZimbabwe.
Banengi abantu abathenga bethengisa impahla emigwaqweni eZimbabwe.

Umtshutshisi omkhulu welizwe leZimbabwe, uMnu. Kumbirai Hodzi, uthi uhulumende uzabopha abantu bonke abathenga bethengisa imali okungekho emthethweni.

Uthi abantu laba benza kungathengeki kahle imali emkambo wezemali ngoba selithengisa ngemali ephezulu idola leZimbabwe emkambo wensitha lapho eliziba amadola angamakhulu – 200 kudola elinye lakwele Melika.

Emkambo kahulumende idola leMelika lithenga amadola eZimbabwe angamatshumi ayisificaminwemibili lanhlanu – ZW$85.

Kusanda kuvezwa amagama abantu okuthiwa bathenga bethengisa santando amadola kwele Zimbabwe. Abasanda kuvezwa amagama emphakathini kabasafunyelwa ukuthenga imali njalo lokusebenzisa omakhalekhukhwini okweminyaka embalwa.

UNkosazana Pretty Mpofu, othenga ethengisa impahla koBulawayo, uthi kumele kumele kubotshwe abachaphaza umnotho welizwe ngokuthengisa imali ngendlela ezingaqondakaliyo.

UMnu. Rejoice Ngwenya, umqondisi wenhlanganiso yeLiberal Market Solutions, uthi akusoze kuncede ukubopha abathenga bethengisa imali emigwaqweni njangalokhu okwake kwenziwa ngowayengusibalukhulu webhanga leReserve Bank of Zimbabwe kusabusa owayengumongameli, umuyi uRobert Mugabe.

XS
SM
MD
LG