amalinks wokungena

Breaking News

UViolet Mariyacha Uthi Uzancintisa Kukhetho Lokudinga Umongameli Ngo2018


UNkosikazi Violet Mariyacha.

Isizalwane seZimbabwe esihlala eCalifornia, uNkosikazi Violet Mariyacha, uthi uzancintisa kukhetho lokudinga umongameli omutsha ngomnyaka ozayo.

UMariyacha, olebandla elibunjwe lonyaka elibizwa ngokuthi yiUnited Movements and Unions Party, uthi uzalwela inswelo zikazulu nxa engakhethwa ukuba ngumongameli kukhetho oluzangenwa nguMongameli Robert Mugabe, uMnu. Morgan Tsvangirai webandla leMovement for Democratic Change (MDC-T) labanye abantu abambalwa.

UMariyacha uthi uzamisa lokukhahlamezwa kukazulu eZimbabwe lapho abantu abahlutshwa khona nguhulumende webandla leZanu PF.

Okwamanje uzama ukudinga uncedo kunhlanganiso yamazwe wonke omhlaba eye United Nations ukuthi ingenele kwele Zimbabwe lapho athi kwephulwa khona ilungelo likazulu nguhulumende webandla leZanu PF.

Uthi engakhethwa ukuba ngumongameli welizwe leZimbabwe, uzalwisana lobudlova elizweni athuthukise lomnotho welizwe osubhidlika okumangalisayo.

UMariyacha ngomunye wabantu abedlula isikhombisa abafuna ukuncintisa kukhetho lukamongameli oluzakwenziwa ngomnyaka ozayo.

Facebook Forum

XS
SM
MD
LG