amalinks wokungena

Breaking News

UNkululeko Leta Odabuka eZimbabwe Uqanse Intaba uKilimanjaro Efuna Ukubona Ukuba Kunjani Esiqongweni Sayo


UNkululeko Leta ngesikhathi esesiqongweni sentaba uKilimanjaro eTanzania. (Courtesy Photo)

Kusigaba sezizalwane zeZimbabwe ezihlala kwamanye amazwe olweDiaspora Forum, sixoxa loMnu. Nkuuleko Leta, umanjinela, osanda kuqansa intaba enkulu uKilimanjaro.

ULeta, owayesemsebenzini kwele Tanzania ngalesos’ikhathi, wezwa esiba lomdlozela wokuqansa intaba le, wahlawula iUS$1,200 abaphethe ukwethekelela intaba uKilimanjaro.

Wahamba amalanga amathathu esiya esiqongweni sentaba le.

Umango awuhambayo ufika isilinganiso samakilometer angamatshumi amane lambili – 42 kilometers.

Uthi kwamthatha amalanga amabili ukuba ehle intaba uKilimanjaro.

Waqansa ekhathalelwa ngabamupha ukudla, abamlungisela indawo yokulala, labahlola isimo sakhe somzimba kanye lababhodabhoda entabeni le ngobuciko obuphezulu.

Wathatha amalanga amabili ukuze ayefika esiqongweni sentaba le elesiqongo esedlula zonke intaba kuzwekazi leAfrica.

ULeta uthi kumele umuntu azimisele nxa eqansa lintaba ngoba kunzima ukuyafika esiqongweni ngenxa yokuthi umoya uphela kancane kancane ngesikhathi usiye esiqongweni sayo.

Wafika phezu kwentaba le wahlalahlala okwemizuzu engamatshumi amabili, wathatha imifanekiso waqala ukwehla.

“Abazi ngentaba le bakhuthaza umuntu ukuba ahlale okwemizuzu engamatshumi amabili kuphela ngoba umoya uyaphela phezulu khonale.”

ULeta uthi wakholisa kakhulu eseqede uhambo lwakhe njengoba wayevele wazitshela esakhula ukuba ufisa ukufika esiqongweni sika Kilimanjaro.

UMnu. Nkululeko Leta.
please wait
Embed

No media source currently available

0:00 0:05:39 0:00


Facebook Forum

XS
SM
MD
LG