amalinks wokungena

Breaking News

Umdlalo weGukurahundi Owavinjwa NguMugabe Usutshengiswa Uzulu eZimbabwe


FILE - UMnu. Robert Mugabe labakhokheli bebutho lamapholisa ensitha baxoxisana lokungethulelwanga uzulu.

Uzulu kwele Zimbabwe usetshengiswa umdlalo oveza ububi bonke obenziwa libutho leGukurahundi owawuvinjwe nguhulumende kaMnu. Robert Mugabe owasuswa esikhundleni sikamongameli libutho ngomnyaka ophelileyo.

IReuters News Agency ibika ukuthi umdlalo lo olesihloko esithi ‘1983, The Dark Years’ usanda kwethulelwa uzulu eZimbabwe ngesikhathi kulabantu abathi uMongameli Emmerson Mnangagwa kumele axolise ngokuphatheka kwakhe kumbhuqazwe weGukurahundi.

UMnangagwa uphika embe phansi ukuthi wayeyingxenye yalabo ababulala abantu abafika inkulungwane ezingamatshumi amabili - 20,000 – ezabelweni zeMatabeleland leNkabazwe ilizwe lisanda kuthola uzibuse.

Ibutho leFifth Brigade laligongoda abantu ababesekela ibandla leZapu elalikhokhelwa ngumuyi uJoshua Mqabuko Nkomo. UMugabe wayecabangela ukuthi uNkomo ufuna ukumthathela intambo zombuso welizwe leZimbabwe.

Umdlalo lo wamiswa nguhulumende ngomnyaka ka2012 owathi uzaletha inzondano ebantwini. Kasenelisanga ukukhuluma leziphathamandla zikahulumende ngodaba lolu.

Okwamanje Ibhetshu likazulu libambisana leMthwakazi Republic Party (MRP) ekufakeni amabhakani endaweni lapho okwabulawa khona abantu yiGukurahundi.

UMnu. Mqondisi Moyo, umkhokheli weMRP, uthi baqalisa kudala ukuhlolisisa okwenziwa libutho leGukurahundi.

Ingxoxo Esiyenze LoMnu. Mqondisi Moyo weMthwakazi Republic Party
please wait

No media source currently available

0:00 0:03:04 0:00

Facebook Forum

XS
SM
MD
LG