amalinks wokungena

Breaking News

IMthwakazi Republic Party Izaphatheka Kukhetho Lokudinga Amakhansila Labazangena Kudale Lephalamende


UMnu. Mqondisi Moyo, umkhokheli webandla leMthwakazi Republic Party.

Ibandla leMthwakazi Republic Party lithi lizaphatheka kukhetho oluzakwenziwa ngomnyaka ka2023 loba lingasoze libelomuntu ozancintisa kukhetho lukamongameli. UMnu. Mqondisi Moyo, umkhokheli weMRP, uthi bazaphatheka ekudingeni amakhansila labamele izigaba ezitshiyeneyo edale lephalamende.

UMoyo uthi abantu eMatabeleland leNkabazwe kumele bebhalisele ukuvota njalo bavote ngobunengi babo.

UMnu. Moyo uphinde wathi kuqakathekile ukuba bangene kukhetho lobanje kulenkinga

Uthi kunengi okuzakwenziwa libandla lakhe ukuze benqobe kukhetho oluzayo.

UMnu. Thabani Nyoni laye uyakusekela okwethulwa nguMoyo esithi kumele abantu bevotela ibandla leli.

Kodwa uMnu. Busani Mbuso Ntini, olandela ezombusazwe, uthi akumelanga ibandla leMRP libone engani abantu bonke eMatabeleland leNkabazwe bayabasekela.

UMnu. Chris Bhebhe, olandela ibandla leli, uthi kuyenzakala ukuba ibandla leMRP linqotshwe kukhetho oluzayo.

Akwaziwa ukuba ibandla leMRP lizakwenza njani kukhetho oluzakwenziwa ngomnyaka ka2023 njengoba lingakaze lithole ovotelwa kukhetho lwamakhansili labamele idale lephalamende.

Facebook Forum

XS
SM
MD
LG