amalinks wokungena

Breaking News

Mthwakazi Republic Party: Sizaqhubekela Phambili Silwisana Lokubandlululwa Kwabantu beMatabeleland


Kubotshwe abalandeli beMthwakazi Republic Party abambalwa ngoMgqibelo phandle kwe Pick N Pay.

Ibandla leMthwakazi Republic Party (MRP) lithi lizaqhubekela phambili lilwisana lokubandlululwa kwabantu eMatabeleland okwenziwa ngabantu abavela eMashonaland abaqhatsha izihlobo labangane kuphela.

UMnu. Nkululeko Mathe, ilunga lekhomithi yeMRP eLupane, uthi kuzwisa ubuhlungu ukuthi abantu abahlala ezabelweni zabo bayabandlululwa kakhulu.

Uthi bazaqhubekela phambili betshengisela kumabhizimisi atshengisa ukubandlulula abantu base Matabeleleland leNkabazwe.

Utshele iStudio 7 ukuthi akubethusi ukubotshwa kwabanye babo abavimbe kwathunqa uthulu koPick N Pay kulandela ukuqhatshwa kwabantu abangahlali eMatabeleland.

Ingxoxo Esiyenze LoMnu. Nkululeko Tshuma
please wait

No media source currently available

0:00 0:02:05 0:00

UMnu. Nassisio Makhulumo, oncintisa kukhetho oluzayo ekubandla leNational Patriotic Front elikhokhelwa nguMnu. Ambrose Mutinhiri, uthi kuyamangalisa okwenziwa libandla leMRP.

Ingxoxo Esiyenze LoMnu. Nassisio Makhulumo
please wait

No media source currently available

0:00 0:01:31 0:00

UMnu. Believe Gaule, okubandla leZanu PF, uthi abatshengisele koPick N Pay, usekela okwenziwa ngabalandeli bebandla leMRP.

Ingxoxo Esiyenze LoMnu. Believe Gaule
please wait

No media source currently available

0:00 0:02:15 0:00

Facebook Forum

XS
SM
MD
LG