amalinks wokungena

Breaking News

Amalunga eMthwakazi Republic Party Atshengisela eSouth Africa Ekhonona Ngokwenzekala eZimbabwe


Amalunga eMthwakazi Republic Party namuhla atshengisele emawofisini enhlanganiso yomhlaba wonke jikelele eyeUnited Nations kwele South Africa esithi uhulumende kaMongameli Emmerson Mnangagwa uqhubekela phambili encindezela uzulu.

Banike ugwalo olumumethe izikhalazo zabo esinye seziphathamandla zenhlanganiso le esithembise ukuba bazaluthumezela inkokheli yabo eNew York kwele Melika.

I-MRP iphinde yahambisa ugwalo olufanayo olwePetition esigodlweni sakwele Zimbavwe ePitoli. Kasenelisanga ukukhuluma ngodaba lolu leziphathamandla zesigodlo seZimbabwe kwele South Africa.

Ibandla leli lithi selikhathele ngokwenziwa libandla elibusayo elabulala abantu abanengi eMatabeleleland leNkabazwe ngesikhathi sombhuqazwe weGukurahundi.

UMnu. Alphious Fuyana, ophethe uhlangothi lwebandla leMRP olubonga ngokudlelana lamanye amazwe, utshele iStudio 7 ukuthi bayakusola kakhulu okwenzakala eZimbabwe.

Facebook Forum

XS
SM
MD
LG