amalinks wokungena

Ukugela Kuka Mugabe Kuhlekisa Uzulu Ebulenjini beInternet

  • Gibbs Dube

President Robert Mugabe at the National Heroes Acre on Thursday.

UMongameli Robert Mugabe, okade esemathuneni amaqhawe eZimbabwe eNational Heroes Acre ngoLwesithathu, umangalise uzulu ngokuphuca inwele ekhanda.

UMugabe, ojayele ukuba lenwele ezigelwe zaba zincane njalo lendevana ezisala phezu komfolo womlomo, ubecazimula ngempabanga yakhe eyenze ukuthi abantu abasebulenjini bokuzilibazisa ku internet bakhulume abakufisayo.

Omunye wabo nguBrezhnev Malaba, owayengumhleli wephephandaba leSunday News, othe, “UMugabe kayekeli ukumangalisa umphakathi! Usevele eHeroes Acre elekhanda eligundwe inwele. Kungani uleminyaka engamatshumi amabili! Usephungule iminyaka engamatshumi amabili!”

Omunye njalo osebenzisa ubulembu bokuzilibazisa, uMnu. Zenzele Ndebele, ubhale kuFacebook esithi, “UMongameli Mugabe ugelile. Singathi nguBadzibaba Bob.”

Kusenjalo eyinye intathelizindaba ezimele yodwa ibhale kuFacebook isithi, “Ngiyaqalisa ukubona uMugabe egele untswi!!”

Kulabanye njalo akade bemchothoza besithi ufuna ukuzenza ijaha yena seleminyaka engamatshumi ayisitshiyagalolunye lantathu – 93.

UMugabe usebuse ilizwe leZimbabwe phose okweminyaka engamatshumi amathathu lasikhombisa – 37.

Facebook Forum

XS
SM
MD
LG