amalinks wokungena

Breaking News

Abantu Bathi uMugabe loMnangagwa Zimbila Zantabanye


Abantu abanengi eMatabeleland bathi kababoni nguquko kulandela ukususwa kowayengumongameli, uRobert Mugabe, ngomnyaka ka2017 libutho elalisekela osengumongameli okwamanje, uMnu. Emmerson Mnangagwa.

Abanye abalombono lo nguMnu. Mqondisi Moyo, umkhokheli webandla leMthwakazi Republic Party, othi uMnangagwa uyazehlulekela kwezokubusa.

“Akulamehluko phakathi kombuso kaMugabe loMnangagwa kulandela icoup ka2017. Abantu bathakazelela ukuphuma kuka Mugabe bengazi ukuthi uMugabe wayengasi ZANU-PF kodwa isystem eloMnangagwa loChiwenga. Abantu babengazi inew despensation ababeyithakazelela ngoba ibandla leZANU-PF yicult, yikho libona uMnangagwa engazihluphi ngemisebenzi emibi abayenza besaseloMugabe uma sikhangela iMatabeleland.”

Isikhulumi sebandla leZAPU, uMnu. Iphithule Maphosa, uthi izithembiso zonke ezenziwayo ngababusayo khonamanje kazigcwaliswanga.

“Sekuyiminyaka emithathu siboniswa nguMnangagwa labanye bakhe ukwehluleka lokukhohlakala ngamva kokuthembisa into ezinengi kubutho leZIPRA ethi uzabuyisela impahla yabo abayithumbayo lodaba lombhuqazwe weGukurahundi. Akukho okubambekayo ngemva kokuhluthuna umbuso ubuqili lamanga kuhamba phambili kuhlanganisa lezijeziso ezisuka kumazwe athuthukileyi. Yikho esikubonayo kulo umbuso okhona ngemva kweminyaka emithathu kwahluthulwa umbuso kuMugabe libutho.”

Isikhulumi seMDC-Alliance koBulawayo, uMnu. Swithern Chirowodza, uvumelane loMaphosa esithi kwaba lokuyengeka eminyakeni emithathu edluleyo.

“Kwabaliphutha lokuswelakala kobukhokheli obuhlakaniphileyo, abantu bangena ezitaladeni ekutheni batshengisele bahluthule umbuso baqede lapho banxuse umuntu owaphatheka ekubulaweni kwabantu ngesikhathi sombhuqazwe weGukurahundi ukuba akhokhele. Silisizi kakhulu.”

UMfundisi Whiteman Moyo uthi ukuhlukuluzeka lokuhlupheka kwabantu bakwele Zimbabwe sekuphindwe kathathu uma kuqathaniswa lesikhathi kubusa uMugabe.

Kunkulumo yakhe yokucina yesizwe, uMongameli Emmerson Mnangagwa wagcizelela ukuba basebenza gadalala ukwenzela ukuthi ilizwe lithuthuke ngemfanelo.

Facebook Forum

XS
SM
MD
LG