amalinks wokungena

Breaking News

Ukungaphili Kahle KukaMugabe Kuhlupha Uzulu eZimbabwe


UMongameli Robert Mugabe bake bamdobha phansi eHarare International Airport.

Omele iChitungwiza North edale lephalamende ekubandla leMDC-T uMnu. Godfrey Sithole uthi abantu abanengi eZimbabwe bakhathazwa yimpilakahle kaMongameli Robert Mugabe.

USithole utsho lokhu edale lephalamende ngoLwesithathu ebuza umsekeli kamongameli uMnu. Emmerson Mnangagwa ngokuthi kukhanya engaphilanga uMugabe nanku esehlala engophosa awe nxa ehlangana lenkokheli yamanye amazwe womhlaba.

Uthe abantu bakhathazwa ngabakubone kumabona kude okutshengisa uMugabe ekhubeka aphose awe ehlangana lomongameli weIndia loweTurkey kunsukwana ezisanda kwedlula.

Uphinde wabalisa lokunye njalo okuhambelana lokukhilikithela kwakhe okwamehlela evela kwele Ethiopia lonyaka emagcekeni endizamtshina eHarare International Airport. Ugwalondaba lwephalamende olweHansard lubika ukuthi uMnangagwa uphendule uSithole esithi uMugabe uqine okwedlula yena. Kasachasisanga okunengi ngalokhu uMnangagwa.

USithole utshele iStudio 7 ngoLwesine ukuthi abantu abanengi bakhathazwa ngokwenzakala kuMugabe.

Ingxoxo Esiyenze LoMnu. Effort Nkomo
please wait

No media source currently available

0:00 0:01:25 0:00
Lapho esitholakala khona

Kodwa-ke uMnu. Effort Nkomo okubandla leZanu PF uthe uSithole ukhuluma angakwaziyo.

UNkomo uthe, “Umuntu uyavunyelwa ukukhuluma akufunayo kodwa lokhu ngibona engani yikulahleka sibili. Kakwazi ukuthi ukhuluma ngani njengoba thina singasoli okwenziwa nguMongameli Mugabe.

XS
SM
MD
LG