amalinks wokungena

Breaking News

Woza Friday: Ucula Ngothando uDr. Love Kumculo Wakhe weJazz Fusion 


Doctor Love (Courtesy Image)

Kuhlelo Woza kuliviki silethulela ijaha elisakhulayo uNqobile Jojo odume ngegama lokuthi ngu Doctor Love NJ ecula ekoBulawayo.

UDoctor Love uzalelwe ekilinika yemzini weNkukumane koBulawayo. Ngemva kokufelwa nguyise, wasuka wayahlala logogo wakhe emzini wePumula East onguye owayethanda umculo weJazz wacina laye sewuthanda waze waqala laye ukucula.

UNqobile Jojo owaziwa ngegama elithi Doctor Love NJ
UNqobile Jojo owaziwa ngegama elithi Doctor Love NJ

"Ngaqala ukwenza imusic 2003, my brother used to play guitar for abantu abanengi ngeke ngimention ama names. Then 2003 that’s when l started music, mina bengilalela ngingumuntu obhala something whenever ubrother is doing something kodwa hayi engizakutsho yikuthi hayi ngizalwe khonapho ngakhulela koBulawayo, ngingumuntu wakoBulawayo."

UNJ ubonga isalukazi sakhe esingugogo wakhe onguye owambonisa indlela yokucula.

"Ngikhule ngingumuntu okhule logogo, umama wakhuliswa yiJazz kagogo lami bengithi mangifika lapha kwele Phumula East koBulawayo ugogo ebetshaya iJazz ubetshaya umaskandi. Besiyilalela ngeleso sikhathi konke bekungokunye ezinto okusharp esikwenzayo, ngathi hayi lami sengizakwenza khonokho okuthandwa ngugogo."

Abalandeli bakhe bambiza Doctor Love ngenxa yomculo wakhe omumethe ingoma zothando. Uselamadlalade athize awacindezeleyo uNJ.

Nqobile Jojo owaziwa ngokuthi nguDoctor Love
Nqobile Jojo owaziwa ngokuthi nguDoctor Love

"Ngilama album amadlalade amanengi kakhulu adlalile emsakazweni, kulo Elders, kulo Love in the Pot, kulo River of Crowns kulo uThando labantu. Lamadlalade ebekhuluma ngezinto ezenzakalayo emphakathini, angizukugxila kakhulu kiwo kodwa yizinto ekade zinsenzakala kakhulu emphakathi engabhala ngazo kulawa ma album."

UDoctor Love ulomlayezo wakhe kuzulu wonke omlalelayo ngalesiskhathi njalo uthi ucela lixhumane laye.

"Akulanto ebuya lula enhle. Yonke into enhle ibuya nzima. Into engingayitshela abantu yikuthi siqhubekeni sipushe. Mina lingangithola kuFacebook DrloveNJ Shawn DrloveNJ ku Instagram or Twitter DrloveNJ kuWhatsapp nguDokotela love NJ 0774781718. Ungalahli imbeleko ngokufelwa isaga sesintu sitsho njalo, ungalahlimbeleko ngokufelwa."

Balutshwana abasakhulayo abacula umdumo weAfro Jazz kodwa uNqobile Jojo kumbe uDoctor Love NJ ungene kuwo kwazwakala.

Facebook Forum

XS
SM
MD
LG