amalinks wokungena

Breaking News

Ikhomishini Yokukhumisana Umlotha Iqakathekisa Udaba Lombhuqazwe weGukurahundi


Abantu lokhe bezonde okumangalisayo ngombhuqazwe weGukurahundi.

Ikhomishini ebona ngezokukhumisana umlotha eye National Peace and Reconciliation Commission isiphume lohlelo lweziqondiso okumele zilandelwa ukulungisisa indaba zokungezwani ezikhona elizweni.

Iziqondiso lezi ezibunjiweyo zizasetshenziswa phansi kohlelo lwemimyaka emihlanu, kusukela lonyaka kusiya umnyaka ka2023, ukuze kuqondiswe indaba zokungezwani.

Umgcinisihlalo wekhomishini le, uMnu. Selo Masole Nare, uthi sebehlele indlela yokulungisisa indaba zokungezwani esithi njalo okumqoka kulolu gwalo ludaba lokhetho kanye lolwe Gukurahundi okuyizo ezizaqala ukukhangelwa lonyaka.

Wengeze esithi ikhomishini izasebenzelana lamanye amakhomishini afana leZimbabwe Human Rights Commission kanye le Zimbabwe Electoral Commission kusiyangokuthi udaba abalukhangelayo lweyama kwezokhetho kumbe ukwephulwa kwamalungelo oluntu.

Omunye walabo akade besemhlanganweni lo, uMnu. Strike Mnkandla, uncome loluhlelo kodwa usola isikhathi sokuqhutshwa kwalo esithi sifitshane kakhulu okungabangela ukuphathwa komsebenzi ongajulanga.

UMnu. Dumisani Mpofu laye uthe laloba uhlelo lolu lubukeka kumele kucaciswe ukuthi uzulu uzathola ithuba lokubuza okhomishina ibuzo nxa ingabe sebehlulekile ukuqhuba umsebenzi.

Ilunga leMthwakwazi Republic Party, uNkosikazi Ntombizodwa Mguni, uthi uyajabula ukuthi ukutshengisela kwabo sekuze kwabafikisa kulelizinga.

Umhlangano lo ubuhlanganise abantu abavela ezabelweni zonke zelizwe. Ugwalo lwalolu hlelo luzakwethulwa kuzulu kumaviki amabili alandelayo eHarare.

Okunye okuphawulwe ngaphansi kohlelo lolu yikuthi kuzabunjwa amakomithi azakhangela ukukhumisana umlotha, ukuvikela ukuqhamuka kodlakela, ezasekela abahlukunyeziweyo, ezakhangela amalungelo abomama kanye lobulili, ezacingisisa njalo isamukela izikhalazo kanye lezakhangela ngokugcinwa kolwazi.

Amakhomithi la azahlanganisa inhlanganiso ezizimelyo kanye labokhomishina. Ugwalo lolu lukhangelele ukubumba ilizwe elilokuthula ‘A Peaceful Zimbabwe for All Generations’.

Udaba Esilethulelwe NguBathabile Masuku
please wait

No media source currently available

0:00 0:03:38 0:00

Facebook Forum

XS
SM
MD
LG