Eyinye yenhlanganiso emele izifundi zemakolitshini atshiyeneyo, eyeZimbabwe National Students Union (ZINASU), ithi ayemukeli inyathelo elithethwe nguhulumende lokukhuphula inhlawulo yezifundo lokunye esifika kunkulungwane ezinhlanu zamadollar- $ZW5,000.
Abamele inhlanganiso le bathi bazatshensisela emigwaqweni uhulumende aze ehlise linhlawulo.
Amakholitshi lamauniversity amanengi elizweni ethule imibiko ngenyanga esanda kwedlula yokwazisa izifundi ngokukhuphulwa kwemali yezifundo lokunye.
Abenhlanganiso yeZINASU bathi ngesimo somnotho welizwe esikhona okwamanje, uhulumende bekungamelanga akhuphule inhlawulo yezifundo.
Owake waba ngunobhala wennhlanganiso le, uMnu. Ashley Pfunye, uthi ngesimo esiselizweni uhulumende bekungamelanga athathe inyathelo elinje.
“Into eqakathekileyo okumele siyinanzelele yikuthi umnotho wethu awumanga kuhle. Indleko zesikolo sezakhwela kudala. Ngakho-ke ukuthi bekhuphule njalo kuyinto esingeke siyivumele ...”
UMnu. Tinashe Katsidzira uthi limbadalo kayivikeleki ngomumo womntho okhona elizweni.
“Imali le sibona angani limali ingcono kulama 12,000 okwakumele siwabhadale kudala …”
Uhulumende walile ukupha amakholitshi imvumo yokukhweza limbadalo okwedlulisa amalawulo njengoba abenza izifundo zebanga lama undergraduate degree besebezamele bakhokhe inkulungwane ezithoba munwe munye zamadola - $ZW9,000, kuthi labo abakubanga eliphezulu elama post graduate bamele bakhokhe inkulungwane ezilitshumi lane lengxenye amadola-$ZW14,500.
