amalinks wokungena

Breaking News

'UChamisa Kabumbe Elinye Ibandla"


UAdvocate Nelson Chamisa

Kulabanye abantu abathi sokumele uMnu. Nelson Chamisa abumbe elinye ibandla kulokuthi asebenzise umanyano weMDC Alliance.

Omunye wabalombono lo nguNkosikazi Janet Zulu.

“Mina ngibona engani kuqondile nje ukuthi nxa uChamisa efuna ukuzikhipha kungxabangxoza ekhona avele atshiyane lebizo leli elithi MDC.”

Lokhu kusekelwa nguMnu. Nhlanhla Mkwananzi, othi abantu bayakwazi okumele bakuvotele ngakho-ke okwenziwa nguMaKhupe akusoze kubaphazamise.

“Abantu bayakwazi abakudingayo. Abantu bayakwazi abakufunayo lob ingatshintsha ibe yiMDC Alliance kumbe kufakwe eyinye iparty abantu bazavotela ababafunayo.”

UMnu. Harold Fuyane, laye ohlala koBulawayo, uthi ukuxokozela lokhu kuzanceda ibandla leZanu PF kukhetho oluzayo.

“Asazi ukuthi kuyahamba kanjani kuma by-elections lawa. Ngibona engathi abantu abavotayo bazadideka ingqondo ngoba indaba yebizo kukhanya engathi iyaqhubekela phambili ingumsindo. Kodwa-ke bengaqhubeka bengazwanani abakumabandla eMDC banikeza ibandla elibusayo ithuba lokuba banqobe lula.”

UMnu. Dumisani Nkomo, ingcwethi kwezombusazwe, uthi okwenziwa ngamabandla eMDC kuveza ukuthi abezombangazwe kabalandaba lozulu.

“Lokhu kuyatshengisa ukubana ezombusazwe eZimbabwe yinhlekisa kodwa mina engikubona kumqoka yikuthi amabandla ombusazwe onke nje awathathi abantu serious, ama candidates abantu abawafakayo ayisibo bantu abale track record yokumela lokusebenzela uBulawayo. Inkinga ekhona koBulawayo yikuthi abafakwa ngamabandla ombusazwe ngabantu abangameli uBulawayo sibazwa kuphela nxa kulokhetho.”

Udaba Esilethulwe NguBathabile Masuku
please wait

No media source currently available

0:00 0:02:47 0:00


UMaKhupe wathola amavoti ayingcosana ngomnyaka ka2018 kukhetho lukamongameli kwathi uChamisa wavotelwa ngabedlula izigidi ezimbili. Akwaziwa okuzakwenzakala kukhetho lwama bye-elections azakwenziwa lonyaka.

Udaba Esilethulwe NguBathabile Masuku
please wait

No media source currently available

0:00 0:02:47 0:00


Facebook Forum

XS
SM
MD
LG