amalinks wokungena

Breaking News

Kumele iMDC Alliance Iphanyeke Na Udaba Lokuthathelwa Ibizo yiMDC-T Emthethwandaba?


Thokozani Khupe
Thokozani Khupe

Akukacaci okuzakwenziwa ngumanyano weMovement for Democratic Change Alliance okhokhelwa nguMnu. Nelson Chamisa osuthathelwe ibizo libandla leMDC-T elikhokhelwa nguNkosazana Thokozani Khupe.

Ingcwethi kwezemithetho, uMnu. Matshobana Ncube, uthi okwethulwa ngumthethwandaba weSupreme Court mayelana lobukhokheli bebandla leMDC-T kuveza ukuba umuntu okhokhela ibandla leli kumele akhokhele njalo umanyano weMDC Alliance.

UNcube uthi isinqumo somthethwandaba singalungiswa nguChamisa loMaKhupe ngoba akulalutho olungalungiswa udaba lolu lungaphanyeka emthethwandaba.

Uthi iZimbabwe Electoral Commission ilakho ukuvumela iMDC-T ukuthi incintise kukhetho lwama bye-election oluzayo isebenzisa ibizo leMDC Alliance

UDokotela Nkululeko Sibanda, isikhulumeli sika Chamisa, uthi ibandla leMDC-T lithiya egabheni.

UMnu. Khaliphani Pugeni, isikhulumeli sebandla elikhokhelwa nguMaKhupe, uthi sebethethe okungokwabo.

Kulabantu abanengi abathi uChamisa abumbe ibandla elitsha ukwenzela ukuthi engahluphani loMaKhupe.

UMaKhupe Uthwalele uChamisa Ubhulo
please wait

No media source currently available

0:00 0:03:39 0:00


XS
SM
MD
LG