amalinks wokungena

Breaking News

ZANU PF: UNelson Chamisa Kasuke Esikhundleni Sikamongameli Webandla leMDC


Abalandeli bebandla leZANU PF bathi kumele uMnu. Nelson Chamisa atshiye isikhundla sikamongameli webandla leli njengalokhu okwethulwe ngumthethwandaba.

Bathi abangeneli kulokhu okwenzakala kubandla leMDC kodwa bafuna ukubona uChamisa elandela imithetho yelizwe ngoba uhlala ekhuluma ngalokhu.

Umthethwandaba weHigh Court usanda kwethula isinqumo esithi uChamisa kangenanga ngemfanelo esikhundleni sikamongameli webandla leMDC-T akhethwa khona ngumuyi uMorgan Tsvangirai.

Omunye walabo abathi uChamisa kumele aphume esikhundleni lesi kungakenziwa umhlangano omkhulu oweCongress ngeviki ezayo nguMnu. Joseph Tshuma webandla elibusayo.

Ingxoxo Esiyenze LoMnu. Joseph Tshuma
please wait

No media source currently available

0:00 0:03:30 0:00

Abalandeli bebandla leMDC bathi kuyamangalisa kakhulu okukhulunywa ngabasekeli bebandla leZANU PF.

UMnu. Prince Dubeko Sibanda webandla leMDC leli uthi bangeke bakhethelwa inkokheli ngumthethwandaba kumbe libandla leZANU PF.

Ingxoxo Esiyenze LoMnu. Prince Dubeko Sibanda
please wait

No media source currently available

0:00 0:03:25 0:00

Ibandla leMDC lithi lizaqhubekela phambili ngomhlangano omkhulu wokukhetha inkokheli ngeviki ezayo loba umthethwandaba uthethe isinqumo sokuthi kumele ibandla leli lenze umhlangano weExtra Ordinary Congress wokudinga ozangena esikhundleni sikaTsvangirai.

UNkosazana Thokozani Khupe webandla leMDC-T uthi nguye osabambe isikhundla sikamongameli webandla leli.

Facebook Forum

XS
SM
MD
LG