amalinks wokungena

Breaking News

Abesifazane Balelungelo Lokubiza Amalobolo Na?


Abanye abantu eZimbabwe bathi akumelanga abafelokazi labomama abangendanga babize njalo badle amalobolo bodwa.

Kuhlelo lwamasiko lokuphila kwabantu nsukuzonke, liviki sihlaziya udaba lwamalobolo.

Kambe abafelokazi labomama abangendanga abahlala bodwa balakho yini ukubiza njalo badle amalobolo kungela zihlobo zendoda? Lokhu ludaba egudwini ebulenjini be internet ikakhulu kwelokuzilibazisa obe Facebook.

Abanye bathi akulunganga ukuthi abantu laba babize amalobolo kungela zihlobo zendoda. Bathi omama abangendanga kumele badinge obaba bezingane zabo nxa sezilotsholwa ukwenzela ukuqhuba ukulandelwa kwemikhuba yesintu.

Kodwa-ke abanye abangendanga bathi balelungelo lokubiza amalobolo loba izihlobo zendoda zingekho. Bathi isikhathi esinengi bagcina abantwana bebodwa kuthi-ke izihlobo zendoda zibuye sokubizwa amalobolo zithathe imali yonke zibatshiye behlupheka.

Ngakho-ke inengi labo lithi imali yesondlo yonke kumele ithathwe yibo.

Okunye okubanika igunya yikuthi iziqondiso zomthetho weLegal Age of Majority Act zinika abantwana asebedlulise iminyaka elitshumi lesitshiyangalombili – 18 – ilungelo lokwenza abakufunayo.

Ukuze sihlolisise udaba lolu, uGibbs Dube weStudio 7 uxoxe loNkosazana Thabitha Khumalo olwela ilungelo labesifazana eloMnu. Thandeko Zinti Mnkandla ingcwethi kwezamasiko esintu.

XS
SM
MD
LG