amalinks wokungena

Breaking News

Sebelungiselela Ukungcwaba Iqhawe uAbraham Nkiwane Owayethwala Izikhali Ngudlu Ngesikhathi Sempi Yenkululeko


UMnu. Micah Nkiwane, indodaba kamuyi uAbraham Nkiwane. (Photo/Credit: Nkiwane Family)
UMnu. Micah Nkiwane, indodaba kamuyi uAbraham Nkiwane. (Photo/Credit: Nkiwane Family)

Umuyi uAbraham Nkiwane, owalwa impi yenkululeko ekubandla leZAPU lebutho leZimbabwe People's Revolutionary Army, uzangcwatshwa ngoMvulo epulazini lakhe eMguza, esabelweni seMatabeleland North.

Uhulumende wethule umbiko namuhla oveza ukuba umdeni kaNkiwane ucele ukuba angcwatshwe epulazini lakhe njengalokhu akwethulela imuli yakhe. Uhulumende uthi uvumelane lemuli ukuba kwenziwe khonoko loba uNkiwane ephiwe isicoco seqhawe lesizwe.

UNkiwane waba ngomunye wabantu bakuqala ababethwala izikhali ngudlu bezisusa eTanzania bezihambisa eSouthern Rhodesia ngesikhathi sempi yenkululeko.

UMnu. Micah Nkiwane, indodaba kaNkiwane uthi uyise uzangcwatshwa kulandelwa isicelo sakhe sokuba alaliswe epulazini lakhe.

UMnu. Micah Nkiwane yindodana kamuyi uAbraham Nkiwane. Sixoxe laye eseSydney kwele Australia.

Kusenjalo, uhlangothi olubona ngokwethulwa kwemibiko luthi umuyi uLt.General Ezdai Chimonyo, obekhokhela ibutho leZimbabwe, lomuyi uMichael Chakabva bazangcwatshwa kusasa emathuneni eNational Heroes Acre eHarare. UChimonyo ubulewe yisifo semvukuzane.

Ingxoxo Esiyenze loMnu. Micah Nkiwane
please wait

No media source currently available

0:00 0:02:17 0:00


XS
SM
MD
LG