amalinks wokungena

Breaking News

IMopane Foundation Icela Uncedo Lokugebha Umgodi Wamanzi Ozanceda Abantwana Abaswelayo


Nomsa Nekevane.

UNkosazana Nomsa Nekevane, umqondisi wenhlanganiso ekhangelane lenswelo zabantwana eyeMopane Foundation, uthi bazama ukugebha umgodi eRichmond koBulawayo okuhlala abantwana ababahlawulela imali yezifundo.

UNkosazana Nekevane uthi usuwomile umgodi obulamanzi obusetshenziswa ngabantwana laba abakhangelelwe ukuba bazalima okutshiyeneyo ukwenzela ukuziphilisa.

Inhlanganiso le isincede abantwana abanengi abaswelayo eMatabeleland, eNkabazwe lezinye izabelo.

Kulabantwana abafika phose amatshumi amane – 37 abancedwa yinhlanganiso le esebenza okusemthethweni kwele Bhilithani, eMelika kanye leZimbabwe.

UNkosazana Nekevane uthi iMopane Foundation kayenelisanga umnyaka wonke ukuqoqa imali ebantwini ngakho-ke abantu abakunhlanganiso le basebenzisa iholo labo ekuqhubeni inhlelo.

Uthi kabasenelisi ukuqoqa imali yokugebha umgodi eRichmond ozanceda kakhulu abantwana abahlala endlini elamasimu amakhulu azabanceda empilweni.

Abafisa ukunceda inhlanganiso le, lilakho ukufonela uNkosazana Nekevane kunombolo ethi +447450287082 kumbe ebulenjini beInternet ku-www.mopanefoundation.org

Facebook Forum

XS
SM
MD
LG