amalinks wokungena

Breaking News

NGOs: Kasilamali Yokunceda Uzulu Owehlelwa Lizulu Lesikhukhula


Zimbabwe Floods
Inhlanganiso ezizimele zodwa zithi abantu beTsholotsho esabelweni seMatabeleland North abalemizi eyabhidlizwa lizulu lesikhukhula kabasela kudla njengoba amasimu abo akhukhulwa ngamanzi.

Izimeli zenhlanganiso ezitshiyeneyo ezigoqela ezenkonzo zithi ukudubeka kwabantu laba abacatshangelwa ukuba bedlula amakhulu amahlanu - 500 kuzwisa ubuhlungu.

Bathi inhlanganiso zabo kazilamali yokubathengela ukudla lokunye abakufunayo. Umfundisi Eddison Dube webandla lenkonzo elePentacostal Assemblies of Zimbabwe uthi uhulumende useyehlulekile ukunceda abantu laba abaswela lokokufihla amakhanda.

Kulabantu njalo abazinkulungwane ezingamatshumi amabili – 20,000 abathwele nzima eChingwizi Camp duzane ledamu leTokwe Mukosi lapho okwana khona izulu lesikhukhula kwadabuka umbundu wedamu leli.

Abantu laba bathwele nzima ngokuthola ukudla lendawo yokuhlala. Ezinye iziphathamandla zikahulumende zibikwa sezisiya emacansini labantwanyana ezibapha ukudla.
XS
SM
MD
LG