amalinks wokungena

Breaking News

Bayakhala Abantu Ngokuvinjwa Kwemali Yakwamanye Amazwe Okuzakwenziwa Libhanga leRBZ


Ibhanga leReserve Bank of Zimbabwe kubikwa ukuthi lifuna ukuvimba abantu abasebenzela inhlanganiso ezizimele zodwa labantu abalemali kuma Nostro accounts ukuthi bathathe idola leMelika balisebenzise elizweni.

Abanye abantu abathole umbiko wamabhanga abo lapho abalama lezikhwama zama Nostro accounts bathi kukhanya engani uhulumende wenza lokhu esenzela ukuvimba umkambo wemali wensitha.

Omunye wabo, okhulume leStudio 7 eseWashington DC, uthi izisebenzi ezinengi kanye lenhlanganiso ezizimele zodwa zizalahlekelwa ngamadola eMelika afakwe ezikhwameni zama Nostro accounts.

Umuntu munye ngamunye sokumele alobele ibhanga leli incwadi nxa efuna ukuthola idola leMelika. Imali yonke engena kuma accounts la sokumele ibelidola leZimbabwe.

Kasenelisanga ukukhuluma ngodaba lolu loMnu. John Mangudya, usibalukhulu webhanga leReserve Bank of Zimbabwe, kanye lomphathintambo wezemali, uMnu. Mthuli Ncube.

Omunye obonga ngokwethula kwemibiko ebhanga leReserve Bank of Zimbabwe, uMnu. Alison Mfiri, uthi bakhuluma ngakho lokhu.

“Thina sithi isiqondiso esise gudwini sivela esigodlweni seFBC (First Capital Bank) sisiya engatsheni zaso yikho njalo okukhulunywe zinkokheli zeRBZ lamhlanje.”

Kasenelisanga ukukhuluma leziphathamandla zebhanga leli.

Ingcwethi ebona ngezomnotho ezimele yodwa, uMnu. Rejoice Ngwenya, uthi bazabophisa ibhanga leReserve Bank of Zimbabwe ngokuvimba izikhwama zama Nostro Accounts.

Ingxoxo Esiyenze LoMnu. Rejoice Ngwenya
please wait

No media source currently available

0:00 0:02:14 0:00

UMnu. Joseph Tshuma, usomabhizimusi njalo okubandla leZanu PF, uthi kumele ibhanga lesizwe eleRBZ lihlele elikwenzayo lingakethuli imibiko ezakwenza ukuthi abantu besabe ukufaka imali yabo emabhanga.

Facebook Forum

XS
SM
MD
LG