amalinks wokungena

Breaking News

Wayicela Na i$10 Million Yokufumbathiswa uObert Mpofu?


Obert Mpofu

Umpathintambo wendaba zekhaya, uMnu. Obert Mpofu, wetheswa icala lokuthi wacela ukufumbathiswa izigidi ezilitshumi zamadola eMelika - $10 million - ngesikhathi engumphathintambo wezemigodi.

Lokhu kuvezwe izolo nguMnu. Lovemore Kurotwi, kukhomithi yedale lephalamende ebona ngozokwenjiwayo, othi uMpofu wacela ukufumbathiswa imali le yinkampani yeMining Minerals eyeyidinga imvumo yokwemba amadayimana.

UKurotwi uthi bathola imvumo yokwemba amadayimana kusukela ngomnyaka ka2009 kusiya umnyaka ka2010 lobanje babengavunyelwa ukuwathengisa. UMpofu uthi uKurotwi uqamba amanga aluhlaza tshoko.

Ukuhlaziya loludaba, sixoxe loMnu. Michael Ndiweni, ingcwethi kwezombusazwe ezimele yodwa, othi kumele uhulumende aluhlolisise kakhulu udaba lolu.

UNdiweni uthi kumele ikhomishini yeZimbabwe Anti-Corruption Commission iqalise ukusebenza udaba lolu ngoba kucatshangelwa ukuthi banengi abantu abakuhulumende abadinga imali yokufumbathiswa.

UMpofu kuthiwa wacele uKurotwi ukuthi asebenzise amagqwetha ukuthi abhadale imali yokufumbathiswa ngudlu.

UMpofu obesedale lephalamende lapho ayale ukukhuluma ngodaba lolu, uthe kukhona okunengi okumele akwethule ikakhulu umgcinisihlalo wekhomithi yedale lephalamende yezemigodi, uMnu. Themba Mliswa, engasuka lapho abahlafuna khona udaba lolu.

Uwayengumongameli welizwe leZimbabwe uMnu. Robert Mugabe wake wabikela ilizwe ukuthi kulamabhiliyoni alitshumi lanhlanu - $15 billion – evela ekuthengisweni amadayimani engabonakaliyo.

Akukabotshwa muntu selokhe wethula lokhu. Okwamanje uKurotwi uthi imali le eyavezwa nguMugabe kungabe kuyingcosana yaleyo eyatshontshwa kusembiwa amadayimana eChiyadzwa.

Ingxoxo Esiyenze LoMnu. Michael Ndiweni
please wait

No media source currently available

0:00 0:04:09 0:00

Facebook Forum

XS
SM
MD
LG