amalinks wokungena

Breaking News

Inkampani yeOlivine Industries Isivale Amafekithali Okwenza Isepa, Amafutha Okupheka leMargarine


Inkampani elungisa amafutha okupheka, isepa, indumba zamagabha lokunye okutshiyeneyo isivale amafekitheli eZimbabwe isithi ilesikwelede esedlula kancane izigidi ezilitshumi – US$11 million.

Izisebenzi ezinengi zikhangelelwe ukuthi zizalahlekelwa ngumsebenzi.

Inkampani le elungisa lemargarine ithi kade isithwele nzima ngokucenga amafutha lokulungisa yonke impahla kumafekithali atshiyeneyo ngakho-ke ikubone kungcono ukuthi ivale amafekithali kulokuthi ibhidlizwe yizikwelede.

“IBoard of Directors leManagement yeOlivine Industries (Pvt) Ltd ifisa ukubikela abantu abathenga impahla zayo ukuthi isivalile wonke amafekithali. Siyehlulekile ukuvula amafekithali ngoZibandlela ngomnyaka ka2019 kulandela ukuvala okwesikhatshana ngoMpalakazi. Izisebenzi zonke sezicelwe ukuthi ziyezihlalela ngekhaya.

“Kwasekusehlula ukuthi silungise impahla sokusiyaphela umnyaka ka2018 ngenxa yokuswelakala kwemali yokuthenga okokulungisa impahla yokuthengisa. Sasilesikwelede esasiphiwa sokuzaphela umnyaka kodwa sehluleka ukubhadala isikwelede lesi nyakenye. Okwamanje silesikwelede esifika US$11 million esokuboleka imali yakwamanye amazwe. Okwamanje umthambo wemali le usuvaliwe. Bathi bazawuvula singabhadala isikwelede lesi.”

Inkampani le ithi ilemali yeReal Time Gross Settlement (RTGS) yokubhadala imali ezayithola (foreign currency) ukwenzela ukuthenga okokulungisa impahla etshiyeneyo.

Ithi sokwehlule ukukhulumisana lohulumende ngodaba lolu ngakho-ke isivale wonke amafekithali.

Kasenelisanga ukukhuluma leziphathamandla zenkampani le kanye lezikahulumende ngokuvalwa kwamafekithali enkampani yeOlivine Industries.

UMnu. Mthuli Ncube, umphathintambo wohlangothi lukahulumende olubone ngezemali, uke watshela umphakathi ukuthi uhulumende ufisa ukuthengisa ama shares akunkampani ye Olivine Industries ukwenzela ukuphanda imali yokwenze impahla yokuthengisa.

Inkampani le yabunjwa ngomnyaka ka1950.

Facebook Forum

XS
SM
MD
LG