amalinks wokungena

Breaking News

Abamele eleZimbabwe Emidlalweni ye2020 Olympic Games Babuyela Ekhaya Bethwele Izandla


UScott Vincent ulesiphathamandla senhlanganiso yeZimbabwe Olympics Committee, uNkosazana Kirsty Coventry, kanye lomthalela okokudlalisa umdlalo wegolf. (Umfanekiso: Zimbabwe Olympics Committee)

Iziphathamandla zenhlanganiso yeZimbabwe Olympics Committee lezinye ezimele ilizwe emidlalweni ye2020 Tokyo Olympic Games zithi abadlali babo abahlanu benze kahle loba bengatholanga izicoco emidlalweni eqhubekela phambili kwele Japan.

UFrederick Ndlovu, okhokhela abadlali leziphathamandla ezidabuka eZimbabwe ezisemidlalweni yeOlympics, uthi kuyabukeka okwenziwe nguDonata Katai, uPeter Wetzlar, Peter Gilpin, Ngoni Makusha loScott Vincent.

Uthi bonke laba benze okwedlula abajayele ukukwenza emidlalweni yabo egoqela ukubhukutsha, ukugijima, i-golf lokunye.

UNdlovu uthi abanye abamele eleZimbabwe emidlalweni le sebebuyele ekhaya. Kukhangelelwe ukuba iziphathamandla zonke zizabuyela ekhaya ngoLwesine kusale uNkosazana Kirsty Coventry, umphathintambo kahulumende obona ngezemidlalo, kanye loScott.

Akwaziwa ukuba uhulumende wakwele Zimbabwe uzabanikani abadlali laba njengoba bengatholanga izicoco zegolide, isiliva lebronze.

Facebook Forum

XS
SM
MD
LG