Umdali we-golf, uScott Vincent, usemsilieni phakathi kwabantu abafika amatshumi ayisithupha abakumcintiswano weMen’s Individual Golf Stroke Play, oqale namuhla eKasumigaseki Country Club.
UScott, omele eleZimbabwe emidlalweni ye2020 Tokyo Olympic Games, ubethembise ukuba uzazama ngamandla akhe wonke ukuze aphumelele.
Namuhla ubebukelwe kumdlalo wakuqala ngababalisa abakunhlanganiso yeZimbabwe Olympics Committee uThabani Gonye, uFrederick Ndlovu labanye. Imidlalo yegolf le iqhubekela phambili kusasa njalo izagqitshwa ngeSonto.
Kusenjalo, asebephumile emidlalweni yeOlympics nguDonata Katai loPeter Wetlar, akade bemele ilizwe emidlalweni yokubhukutsha. Ababili laba kubikwa sebebuyele eZimbabwe.
UPeter Gilpin, owenza i-rowing, ukhangelelwe ukubuyela ekhaya kunsukwana ezilandelayo.
UNdlovu utshele iStudio 7 ukuba imidlalo le ngeyokulolonga abadlali abazakuya emidlalweni yeOlympics kwele France ngomnyaka ka2024.