Izizalwane zeZimbabwe esezihlala kwele South Africa zithi ukuqiniswa kwemithetho yokwenqabela iCovid 19, okwaziswe izolo nguMongameli Emmerson Mangagwa sekuhle kwavimba indlela yokubuyela ekhaya ngekhefu leKhisimusi.
Ngemva kokweqiwa liKhisimusi lanyakenye edlalwe phansi kokuhlasela okukhulu kwecoronavirus, inengi lezizalwane zeZimbabwe zithi imigoqo esanda kufakwa isihle yatshabalalisa ithemba labo lokuyakudla iKhisimusi lezihlobo labangane ekhaya.
UMongameli Emmerson Mnangagwa uthe njengenye yendlela zokwenqabela ukumemetheka kwecoronavirus ikakhulu uhlobo olutsha lwe Omicron variant, bonke abangena elizweni kuzafuze bayevalelwa (quarantined).
Njengoba inengi labeZimbabwe laba bevele befika ekhaya kungasasalanga nsukungaki ukuthi kube yiKhisimusi, isizallwane seZimbabwe, uNkosikazi Mercy Mvundla, uthi leli nyathelo litsho ukuthi bazayidlalela ekuvalelweni.
“Ngibona kuyilunya olukhulu kakhulu ebesingalukhangelelanga thina njengezizalwane zeZimbabwe ukuthi umuntu okufanele asicabangele ngazo zonke indlela abesevala ingani uyasivalela. Ngibona kululunya olukhulu kakhulu. Siyavuma icovid ikhona, iyahlasela njalo iyabulala kodwake sicabanga ukuthi bekungakhangelwa ngenye indlela.”
Elinye inyathelo abakhala ngalo yikubamba ngamandla abangena elizweni ukuthi bavalelwe besekuthiwa yibo abazahlawula imali yokuvalelwa lokhu. Inengike lithi vele liwuqede nzima lumnyaka ngemva kokulahlekelwa yimisebenzi lenhlelo zokuziphilisa ngenxa yecoronavirus. Esinye isizalwane seZimbabwe, uMnu. Jonathan Mbedzi, uthi kuzaba nzima ukuthi bayithole imali yokuhlawulela ukuvalelwa lokhu ikakhulu abangasebenziyo lalabo abafuna ukubuyela njengemuli.
“Umuntu may uyabe anikezwe 14 days or 21 days ukuthi aye kukhisimusi afike aquarantayinwe okwesikhatho sonaleso. Angiboni ukuthi lento izobaphatha kuhle abantu. Nakhona kube kuthiwa igoivernment ithi khona ma ungakhipha incwajana yePRC test ubonise ukuthi unayo bakuzasiza kakhulu.”
Ibandla leZapu lithi ukubamba ngamandla izizalwane zakho ukubhadalela ukuhlolwa icovid ubuye uthi zizibhadalele ukugcinwa okwesikhatshana yikwehluleka ukubusa.
Isikhulumeli seZapu kwele South Africa, uMnu. Canicious Nkala, uthi kufana lokuthi sekuthiwe lingabuyi ekhaya ngekhisimusi ngoba lizasithelela icorona.
“Imigomo le ebekwe ngupresident ikhanya angathi ufuna ukuvimba abantu abavela ngaphandle. Akubonisi njengomuntu okhangelele ukuthi ukufika kwabantu kuzabooster ieconomy. Asisakwazike ukuthi uzazuzani ngokuvimba izizalwane zeZimbabwe ukuthi zingayi emakhaya ngesikhathi seholiday kantike lokho bekugood for business. Nxa kulendawo ezokuthi abantu abachekhwe achekhwe abantu angitsho amaresult ayakwazi ukuphuma within a short time.”
UMongameli Cyril Ramaphosa usanda kutshela izizalwane zelizwe lakhe ukuthi uhulumende ucabange ukungaqinisi imithetho ekhona ngenxa yobunzima obubangelwa yilokho kwezomnotho lenhlalo kazulu.