amalinks wokungena

Breaking News

'Ukubotshwa kukaO'Donovan Kuzaphazamisa Ubudlelwano beMelika leZimbabwe'


UNkosazana Martha O'Donovan kuthiwa wathuka uMongameli Robert Mugabe.

Isizalwane saseMelika esibotshwe ngeviki edluleyo sisetheswa icala lokuzama ukugenqula uhulumende kaMongameli Robert Mugabe sizamiswa emthethwandaba ngoLwesithathu.

UNkosazana Martha O’Donovan, yena oleminyaka yokuzalwa engamatshumi amabili lanhlanu, wetheswa njalo icala lokuthuka uMugabe.

Amagqwetha akhe azacela umthethwandaba ngoLwesithathu ukuthi umkhulule ngemali yesibambiso, ibail.

UO’Donovan umiswe emthethwanda okwakuqala ngoMgqibelo njalo okwamanje uvalelwe ejele labantu abalamacala amakhulu agoqela ukubulala eleChikurubi Maximum Prison.

Abacubungula ezemithetho lezombusazwe bathi ukubotshwa kwakhe kulakho ukuphazamisa imizamo yokulungisisa ubudlelwano phakathi kweZimbabwe leMelika.

“Kumele uhulumende waseMelika akubeke sobala kuhulumende weZimbabwe ukuthi ukukhumisana umlotha abakuzamayo lokhu kumele kugoqele ukuhlonitshwa kwamalungelo oluntu,” kutsho igqwetha, uMnu. Lucas Nkomo.

please wait

No media source currently available

0:00 0:02:20 0:00

Facebook Forum

XS
SM
MD
LG