amalinks wokungena

Breaking News

UOscar Pistorius Utholakala Engelacala


Umahluli wedale leHigh Court eSouth Africa lamuhla wethule isinqumo sokuthi uOScar Pistorius owabulala intombi yakhe ngokumdubula, akalacala loba nje elakho ukuthi atholakale elecala lokubangela imfa yomuntu.

UThokozile Masipa utshele idale leli ukuthi uPistorious kazange ahlale phansi acabange ukubulala uReeva Steenkamp.

Kodwa-ke uphinde wathi uzakwethula isigwebo kusasa sokuthi uPistorius wabangela imfa kaSteenkamp ngenxa yobutshapha bokubamba umbhobho kubi.

UPistorius odume ngokugijima esebenzisa inyawo zensimbi kumncintiswano eminengi yamazwe womhlaba lapho ajayele ukunqoba khona, ubekhala uMasipa esethula isinqumo sakhe emthethwandaba.

UMahluli uthe abatshutshisi behlulekile ukukuveza sobala ukuthi uPistorius wabulala njani uSteenkamp.

Engatholakala elecala lokubangela imfa yomuntu engajonganga ukwenza njalo, ulakho ukuhlala ejele okweminyaka emihlanu. Abatshutshisi babesithi undoda lo wabulala uSteenkamp kulandela ukulwa kwabo endlini.

Ukuze sihlaziye udaba lolu, uGibbs Dube weStudio 7 uxoxe loMnu. Job Sibanda, igqwetha elilwela ilungelo loluntu.

XS
SM
MD
LG