amalinks wokungena

Breaking News

Abacubungula Ezombusazwe Bakhuthaza Amabandla Aphikisayo Ukuba Amanyane Ngesikhathi Sokhetho


Abalandela ezombusazwe bathi kumele amabandla aphikisayo adonse ndawonye ngesikhathi sokhetho oluzakwenziwa ngomnyaka ka2023 nxa efuna ukuthi kususwe ibandla leZanu PF embusweni.

Bathi amabandla aphikisayo amanengi angeke asuse eleZanu PF embusweni ewodwa ngakho-ke kuqakathekile ukuba asebenze ndawonye.

EMatabeleland kulenhlanganiso ebunjwayo ebizwa ngokuthi yiFreedom Alliance, efisa ukuba amabandla aphikisayo amanyane.

Omunye wabamele inhlanganiso le uMnu. Nhlanhla Moses Ncube, uthi inhlanganiso le ihlose ukumanyanisa amabandla, abenhlanganiso ezizimeleyo labanye ukwenzela ukuba badonse ndawonye ngesikhathi sokhetho.

Uthi okwamanje kukhanya amabandla aphikisayo efuna ukungena ezimele kukhetho oluzayo okungenza kubenzima ukunqoba ibandla leZanu PF kukhetho oluzayo.

UNkosazana Nokuthula Adonsi, olandela ezombangazwe, laye uthi kumele amanyane amabandla aphikisayo ukuze asuse eleZanu PF embusweni.

Kunengi okufiswa ngabantu kodwa kukhanya engani amabandla aphikisayo afuna ukuzenzela santando ngesikhathi sokhetho oluzaqhutshwa ngomnyaka ka2023.

Abacubungula Ezombusazwe Bathi iZanu PF Kayisoze Iphume Embusweni Nxa Amabandla Exhophana
please wait

No media source currently available

0:00 0:04:25 0:00


Facebook Forum

XS
SM
MD
LG