amalinks wokungena

Breaking News

Amagqwetha Azimeleyo Athi Akukho Emthethweni Ukumiswa Kokusetshenziswa Kwamaphasiphothi Akudala eZimbabwe


Zimbabwe E-Passport

Inhlanganiso yamagqwetha eyeZimbabwe Lawyers for Human Rights ithi akukho emthethweni okwenziwa nguhulumende othi iphasiphothi zakudala zizamiswa ukusebenza kusukela ngoMpalakazi ngomnyaka 2023.

Inhlanganiso le ithi ukumiswa kwamaphasiphothi okuzakwenziwa nguhulumende kwephula isisekelo sombuso welizwe ngakho-ke sebelobele uMnu. Kazembe Kazembe, umphathintambo wendaba zekhaya, besithi bazahambisa udaba lolu emthethwandaba nxa engabaphendulanga okusuthisayo.

Iqwetha elilwela ilungelo loluntu, uMnu. Matshobana Ncube, uyakusekela lokhu.

Elinyenjalo igqwetha elilwela ilungelo loluntu, uMnu. Nqobile Sithole, laye uyakusola okwenziwa nguhulumende.

UNkosazana Victress Mathuthu, okuhlanganiso yeZim Imbokodo, uthi kuyamangalisa okwenziwa nguhulumende.

UMnu Joseph Tshuma okubandla leZanu PF, uthi uhulumende kumele aluphathe kahle uhlelo lolu.

Banengi abantu abathi uhlelo lolu luzabaphazamisa lobanje uKazembe Kazembe engakakhulumi ukuba uzakwenzani ngodaba lolu.

Facebook Forum

XS
SM
MD
LG