amalinks wokungena

Breaking News

Ikhomishini Yokukhumisana Umlotha Yenza Umhlangano leMthwakazi Republic Party


Abekhomishini ebona ngokukhumisana umlotha eye National Peace and Reconciliation Commission (NPRC) ngoLwesibili bahlangane lamalunga ebandla leMthwakazi Republic Party, Ibhetshu likazulu labe Mthwakazi Restoration Movement 1893 bezama ukuphuma lamaqhinga okulungisisa indaba zokuxabana lokungezwani elizweni.

Kunyanga ezimbalwa ezedluleyo amaqembu la, ake aduma ngokuphazamisa imihlangano yabekhomishini le eyeNPRC eyenzelwe koBulawayo leLupane besithi abafuni ukukhulunyiswa ngabakhuluma ulimi lweSiShona.

Umhlangano lo wenziwe ngemva kwesicelo samabandla lawa sokuthi bafisa ukuxoxisana lekomishini mayelana lemizwa yabo kanye lokuthi izichaze kabanzi ukuthi ijongeni.

Umgcinisihlalo wekomishini le, uRetired Justice Selo Nare, uthi bakubone kufanele ukuthi bavume ukuhlangana lamaqembu lawa njalo ingxoxo abayenze ngoLwesibili ihambe kahle ngoba kungela othethisileyo watshengisela njengasesikhathini esidluleyo.

Omunye wabakade besemhlanganweni lo uthe ufisa ukuthi udaba lweGukurahundi lungahlanganiswa lezinye indaba kodwa luhluzwe lulodwa eceleni. UNare uthe izifiso zabantu zonke bayazamukela njalo bazazisa phambili.

UMnu. Njabulo Ngwenya, ilunga le MRP, uthi bayajabula ukuthi bahlangene labe khomishini le njalo bafisa ukuthi iqale ngokuqeda ukuncindezelwa kwabantu beSiNdebeleni lokubandlululwa ikakhulu ekutholeni imisebenzi.

Olilunga le 1893 Mthwakazi Restoration Movement, uNkosikazi Cora Ndebele, uthi ufisa ukuthi ikhomishini le ifuqe uhulumende ukuthi afeze udaba lokunikeza izabelo amandla okuzibusa iDevolution of Power.

Udaba Esilethulelewe nguBathabile Masuku
please wait

No media source currently available

0:00 0:03:57 0:00

Facebook Forum

XS
SM
MD
LG