amalinks wokungena

Breaking News

ZPP: Amapholisa Agongode Abantu NgoMpalakazi Okwedlula Ibandla leZanu PF


Inhlanganiso ezimele yodwa eyeZimbabwe Peace Project (ZPP) ithi amapholisa akhahlameze abantu okwedlula abalandeli bebandla leZanu PF ngoMpalakazi.

Umbiko osanda kwethulwa yinhlanganiso le ikubeka sobala ukuthi amapholisa ahlukuluza uzulu mahlayana esenzela ukuncindezela abaphikisa uhulumende kaMongameli Emmerson Mnangagwa.

IZPP ithi okwenziwa ngamapholisa kwenzakala ngesikhathi inani labantu abahlukunyezwayo lehlile eZimbabwe ngoMpalakazi.

“Njengenhlalayenza ukuhlukuliza lokwethusela abantu yikho obekuvamile ngoMpalakazi okube labantu abangamatshumi ayisithupha ababhekane lohlupho lolu. Okuphume kuphenyo lwethu kuveza ukuthi amapholisa yiwo akhokhela inani labantu abahlukumeza uzulu. Kujayele ukuthi abalandeli bebandla leZanu PF kube yibo abathwalise nzima abantu.

“Lokhu kuveza ukuthi amapholisa avimba abantu abazonda uhulumende. Ngesikhathi kusabusa owayengumongameli uRobert Mugabe abasekeli bebandla leZanu PF yibo ababehlukuluza abantu okwedlula okwakusenziwa ngamapholisa.”

Abantu abakhahlanyezwe kakhulu ngoMpalakazi bahlala eMashonaland Central leHarare.

Kasenelisanga ukukhuluma ngodaba lolu lesikhulumeli samapholisa uSenior Assistant Commissioner Paul Nyathi obengaphenduli umakhalekhukhwini wakhe.

Facebook Forum

XS
SM
MD
LG