amalinks wokungena

Carol Thomson O'Connel: Imali Yokulwisana leHIV Izakhuphuka eZimbabwe


UNkosikazi Carol Thomson O'Connell labasebenza kwezempilakahle.

Umsekeli kanobhala obona ngendaba zeAfrica kuhulumende weMelika, uNkosikasi Carol Thomson O’Connell, uthi usizo lwemali oluvela esikhwameni sePresident's Emergency Plan for Aids Relief (PEPFAR), lukhangelelwe ukungezelelwa ngomnyaka ozayo.

UNkosikazi O’Connell uthi okwamanje eleZimbabwe selitholiswe ikhulu lengxenye lezigidi zamadola (150 million).

Uhlangana labaqhuba inhlelo ezitshiyeneyo, uNkosikazi Carol Thomson O'Connell.
Uhlangana labaqhuba inhlelo ezitshiyeneyo, uNkosikazi Carol Thomson O'Connell.

UNkosikazi O’Connell wethekelela eleZimbabwe, kuhambo lwakhe lwakuqala elizweni, selokhe wanikwa isikhundla lesi nguhulemende kaMongameli Donald Trump lonyaka.

Akwethule ngohlelo lwePEPFAR kuphume ekhulumisana lentathelizindaba, ngemva kokubhodabhoda ebona indawo yabe Population Services International eye New Start Centre eHarare.

Uthethe lelithuba ukuncoma imisebenzi eqhutshwa kule indawo, lapho uzulu athola khona usizo olwehlukeneyo kweziphathelene lokwehliswa kokusabalala kwegciwane kanye lemithi.

UNkosikazi Carol Thomson O'Connell
UNkosikazi Carol Thomson O'Connell

Utshele intathelizindaba ukuba uhulumende wakhe kasoze aguqule indlela abesebenzelana ngayo lamazwe awezwekazi le Africa, okubalisa eleZimbabwe.

Uthe kuyafunakala ukuthi abantu basebenze ndawonye ukuze balwisane legcikwane lengulaza.

Ukhangelelwe ukungena imihlangano leziphathamandla kunhlangothi zikahulumende lezenhlanganiso ezisebenza zizimele.

Facebook Forum

XS
SM
MD
LG